HOSEA 9
9
Hukum insanan akan Israel
1O bangsa Israel ela tinai mahaga kare andau hai aim kilau kare bangsa beken. Ikau jari malihi Hatallam tuntang dia baketep Dengae. Intu genep eka mihik gandom#9:1: intu genep eka mihik gandom: kare eka toh ihapan kea kilau eka sombayang. ikau manjual arepm kilau lontei akan dewa Baal, tuntang rajin manarima gandom je itongm kilau upah bara dewa te akam. 2Dia tahi tinai ikau akan tapas gandom tuntang undus saitun, tuntang anggor kea kareh lepah. 3Ikau, o bangsa Israel dia akan tetep melai intu petak je inenga Tuhan akam. Ikau akan haluli talih Misir, tuntang akan kuman panginan papa#9:3: panginan papa: Huang kare parentah Moses, oloh ingahana kuman panginan je inukas tuntang ianggap pali manumon atoran agama (Ite Lew. 11). intu Asur. 4Intu kare lewu te ikau dia tau maluput parapah anggor tuntang parapah meto akan manyanang atei Tuhan. Panginan mawi genep oloh je kumae palus papa, kilau panginan je kinan hong upacara mangubur. Panginan te baya baguna indu mambesoh kanaim; isut mahin dia imbit akan Human Tuhan uka iluput intu hete. 5Intu kare andau agama hapa mahormat Tuhan, ikau dia olih mawi en-en uka mahagae. 6Amon calaka te dumah, tuntang ikau iimbit akan lewu beken, palus je batisa marak keton kareh imumpong awi kare oloh Misir akan impatei tuntang ingubur intu Mempis! Oru tuntang duhi lembut mangontep kare eka awan humam tuntang kare ramom bara perak je barega.
7 #
Luk. 21:22
Jadi sampai katika mahukum, katika akan manarima baleh kare gawi. Israel kareh mangkemee!
Keton hamauh, “Nabi je inguasa roh toh humong! Ie gila!” Ikau hamauh kalote awi ikau basingi toto dengang-Ku tuntang dosam hai toto. 8Hatalla manyoho aku kilau nabi uka mampingat ikau ungkup Ayue, tapi akan kueh kea aku haguet, ikau mancoba manjarat aku kilau burong. Intu lewu ayun Hatalla kabuat, ikei kare nabi jadi musoh kare rayat. 9#Hak. 19:1-30 Papa toto gawin keton sama kilau je puji iawi oloh intu Gibea.#9:9: Gibea: Intu lewu toh aton kare oloh Israel bara suku Benyamin je marayap gandak ain ije biti oloh Lewi; hal te mampalembut parang kalahi sama arep oloh hampahari je karenga-renga dia mampalomos lepah hapus suku Benyamin (Ite Hak. 19:21). Hatalla kareh mampingat kasalam, tuntang mahukum ikau awi dosam.
Dosan Israel tuntang kajariae
10 #
Num. 25:1-5
Tuhan hamauh, “Metoh aku solake sondau Israel, aku hanjak kilau oloh je sondau bua anggor intu padang pasir. Katika aku solake mite tato hiangm, aku sanang sama kilau oloh mite hasil bua ara je solake. Tapi, katiak ewen haguet akan Bukit gantong Peor, ewen nampara manyembah Baal, sampai ewen papa sama kilau dewa je inyinta ewen te. 11Kahain Israel kareh tarawang lilap kilau burong; dia aton je batihi, tuntang jaton kare anak je inakan. 12Tapi aloh aton kea kare anak je inakan tuntang impahai, ewen akan induang-Ku; jaton je inalua-Ku belom. Calaka ikau, o bangsa Israel, amon Aku malihi ikau.”
13 Tuhan, aku mite kare anak ewen inggoang tuntang impatei. 14Narai je patut ilakuku akan kare oloh te? Awi kare bawin ewen tamanang! Awi, mangat ewen dia tau mampatuso awau ewen!
Tuhan mahukum Israel
15 Tuhan hamauh, “Uras kapapan ewen nampara intu Gilgal. Intu hete aku nampara basingi dengan ewen. Awi gawin ewen papa, aku maharak ewen bara tanah-Ku toh. Aku dia akan masi ewen tinai; uras pamimpin ewen jari malawan Aku. 16Oloh Israel akan uhukum awi-Ku. Ewen jadi taloh imbul je dia mamua, tuntang je kare uhate jari keang. Ewen dia akan mandino anak; tapi aloh ewen aton anak, aku akan mampatei kare anak je inyinta ewen te.”
Nabi hakotak tahiu Israel
17Hatalla je inempoku te akan manolak ungkup Ayue, awi ewen dia maku mahining Auhe. Ewen akan manamuei marak kare bangsa.
Currently Selected:
HOSEA 9: NIJ
Highlight
Copy
Compare
Share
Want to have your highlights saved across all your devices? Sign up or sign in
