HOSEA 6
6
Oloh Israel dia toto-toto hobah
1Oloh Israel hamauh, “Keleh itah haluli akan Tuhan. Ie mangapehe itah, tapi Ie kea je kareh mampakeleh. Ie je mampahimang tapi Ie kea je mameteng kare himang itah. 2Hong kadue atawa katelo andau toh Ie akan mampakeleh itah. Itah akan belom hong kalindonge. 3Awi te keleh itah nahuang toto-toto uka gasene Hatalla. Ie musti manalih itah sama panumah andau sawah, tuntang sama kilau ujan je mambisa petak intu lawin wayah pangujan.”
4Tapi Tuhan hamauh, “O Israel tuntang Yuda! Narai je iawi-Ku akam? Sintam dengang-Ku jeleng lilap sama kilau asep atawa ambon hanjewu. 5Awi te Aku manyoho kare nabin aing-Ku uka mansanan akam tahiu tukas aing-Ku je akan mahukum tuntang mambinasa ikau. Je ilaku awi-Ku dengam jari tarang toto: 6#Mat. 9:13, 12:7 Aku labih rajin ikau mangasene Aku tuntang harajur sinta dengang-Ku, bara ikau mamapui tuntang maluput parapah akang-Ku.
7Tapi kilau Adam#6:7: Tapi kilau Adam atawa: Tapi intu Adam. ikau malanggar janjim dengang-Ku. 8Gilead jete lewu je kontep dengan oloh papa tuntang oloh pamuno. 9Kare imam intu lewu te kilau ije baris parampok je mimpa oloh mahalau. Intu jalan je manintu lewu barasih Sikhem ewen mahin mampatei! Uras kapapa te ilalus ewen puna tantai ihat. 10Intu Israel Aku mite taloh je mawi atei-Ku marawan: ungkup-Ku mamapa arepe awie manyembah dewa.
11Tahiu ikau, o oloh Yuda, Aku jari manukas katikae akan mahukum ikau kea ganan taloh gawim.”
Currently Selected:
HOSEA 6: NIJ
Highlight
Copy
Compare
Share
Want to have your highlights saved across all your devices? Sign up or sign in
