HOSEA 4

Tuhan mandawa Israel

1 Tuhan aton perkara dengan kare oloh tanah toh. O Israel hining taloh je insanan Awie, “Hong tanah toh jaton kaketep atawa sinta, tuntang oloh tanah toh dia mangaku aku kilau Hatalla. 2Ewen sumpah, tapi ewen dia malaluse;#4:2: sumpah … malaluse atawa: manyapa oloh mahapan aran Tuhan. ewen mananjaro, mampatei, manakau tuntang habandong. Kapapa mandahang, tuntang pampatei manjadi bewe-bewei. 3Awi te lewu toh palus keang, tuntang uras taloh je belom intu hete akan matei. Kakare macam meto hong udara, petak tuntang tasik kareh binasa.”

Tuhan mandawa kare imam

4 Tuhan hamauh, “O kare imam, ela aton je manyalan atawa malait ungkup-Ku, awi keton te je inyalan awi-Ku! 5Handau hamalem keton mawi kasalan, kalote kea kare nabi. Awi te Aku akan mambinasa Israel, indum. 6Keton, kare imam, dia paduli Aku, palus ungkup aing-Ku kea dia paduli Aku sampai ewen calaka. Keton manolak kare ajar aing-Ku. Jadi, Aku kea akan manolak keton, tuntang kare anak keton dia Aku mangakue kilau kare imam ayung-Ku.

7Sasar are bitin keton mandahang, sasar badosa haream keton dengang-Ku, o kare imam! Awi te ampin keton kareh iubahku: Keton dia tinai ihormat, malengkan inawah. 8Keton jari tatau awi dosan ungkup-Ku, awi te keton nahuang uka ewen harajur mawi dosa. 9Keton akan kapehe sama kilau rayat! Aku akan mahukum keton tumon kare ampin gawin keton. 10Keton akan kuman bara kare parapah je iluput, tapi keton kareh tetep balau. Keton akan manyembah kare dewa kajewong, tapi rayatm tetep dia mandahang, awi keton jari malihi Aku uka manyembah kare hatalla beken.”

Tuhan mahukum gawi manyembah hampatong

11 Tuhan hamauh, “O Ungkup-Ku, aloh anggor je tahi, aloh anggor je taheta, jari mampalepah kaabasm uka tau manirok taloh tumon kabujure. 12Keton balaku tingak bara ije katetek kayu! Ije tongkeh mansanam akam narai je handak ingatawam! Ikau kilau ije biti oloh bawi je jadi lontei, padahal ikau aton banam; ikau malihi Aku tuntang manyarah bitim akan kare hatalla beken. 13Intu kare eka manyembah hampatong intu kare tantan bukit tuntang bukit gantong, ikau maluput parapah, tuntang mamapui garo intu penda kare batang kayu hai je labih labat intu kanih awi eka te kanjungen.

Tapi narai kajariae? Kare oloh bawi bujangm jadi lontei tuntang kare manantum je bawi habandong! 14Tapi aku dia mahukum gawin ewen te, awi ikau kabuat manalih kare lontei je bagawi intu kare human dewa,#4:14: kare lontei … kare human dewa: kare lontei te bagawi intu kare human dewa ain oloh Kanaan, eka dewa kasiwoh inyembah. Manumon kapercayan ewen, kare tana tuntang kare meto ain ewen tau mimbit are hasil amon ewen habandong dengan kare bawin lontei te. tuntang hayak ewen ikau maluput parapah akan dewa. Puna toto auh toh: ‘Bangsa je jaton aton kaharatie tahiu Hatalla kareh binasa.’

15O keton oloh Israel, keton dia baketep dengang-Ku! Tapi, aku maharap, Yuda dia mawi kasalan je sama! Ela sombayang intu Gilgal atawa Betel.#4:15: Betel: Huang basa Ibrani, riman aran toh iete “Human Tuhan”. Huang teks Ibrani, ayat jetoh mahapan aran “Bet-Awen” uka manunjuk akan Betel. Ela sumpah intu kanih tagal aran Hatalla je belom. 16Keton, o oloh Israel, paham badungil! Kilen ampie Aku tau manyakatik keton sama kilau tabiri intu padang oru?”

17Ungkup Israel jari heret dengan hampatong dewa, awi te nalua ih ewen. 18Limbah babusau awi mihop are anggor, ewen malontei hanja-hanjak. Ewen labih sanang inawah bara ihormat. 19Awi te ewen akan lilap kilau inantawus riwut. Ewen akan mahamen awi kare parapah je iluput ewen akan kare dewa.

Currently Selected:

HOSEA 4: NIJ

Highlight

Copy

Compare