HOSEA 3

Hosea tuntang sawae je dia baketep

1 Tuhan hamauh dengangku, “Lius tinai tuntang nyinta ije biti oloh bawi je rajin habandong. Keleh sinta ie kilau Aku kea sinta oloh Israel aloh ewen malihi Aku tuntang manyembah kare Hatalla beken hayak rajin maluput parapah wadai kismis akan dewa.”#3:1: maluput parapah wadai kismis akan dewa: Bua anggor je jari ingekei hapa maluput parapah akan dewa kasiwoh je manumon kapercayan oloh tau mimbit hasil getem je hakutoh akan oloh je manyembah ie.

2Palus Aku mambayar lime walas duit perak tuntang 150 kilogram gandom#3:2: gandom: Je inyewut intu hetoh iete model gandom je labih murah regae. uka mandino oloh bawi te. 3Aku hamauh dengae ie musti mentai aku tahi. Katahin te ie dia tau malontei atawa habandong, tuntang aku kea dia akan manokep ie. 4Kalote ampie dengan bangsa Israel; tahi toto ewen belom dia hapan raja atawa pamimpin, jaton parapah atawa kare batu pangingat, jaton hampatong atawa kare babasal je mansanan taloh basilim hong katika je inaharep. 5Tapi akan sampai katikae bangsa Israel, haluli manempo Hatallan ewen, tuntang rajan ewen turonan Dawid. Palus ewen mikeh tuntang mahormat Tuhan, hayak manarima kare berkate.

Currently Selected:

HOSEA 3: NIJ

Highlight

Copy

Compare