EKSODUS 26

Kemah Tuhan

(Eks. 36:8-38)

1“Tampa Kemah#26:1: Kemah: iete kemah eka Tuhan hasondau dengan Moses tuntang oloh Israel katahin panjalanan ewen hong padang pasir. Kemah toh inyewut Kemah Tuhan. akangku bara sapuluh katetek benang lenan baputi lamos, inyulam mahapan wol biru, ungu tuntang bahandang. Nyulam benang te tumon gambar kerub. #26:1: kerub: Ite 25:18. 2Genep katetek musti sama kahaie, kapanjange due walas meter tuntang kalombahe due meter. 3Lime katetek benang te inontong jadi ije kalambar benang; lime katetek je beken inampa kalote kea. 4Tampa eka sangkawite bara benang biru intu saran due lambar benang te; 5lime puluh eka mangkawite intu genep lambar benang. 6Tampa lime puluh kawit amas akan hapa manambing kadadue lambar benang te mangat tau impahinje.

7Akan sapau kemah te tampa sawalas katetek benang bara bulon kambing. 8Genep katetek sama ukurae, kapanjange telo walas meter, kalombahe due meter. 9Lime katetek inambing jadi ije kalambar. Jahawen katetek je beken inampa kalote kea. Tambing je kajahawen ilipet due mangat manutup hila baun kemah. 10Masang lime puluh galang eka manyangkawit sapau je intu saran lambar je solake tuntang limepuluh galang eka manyangkawit intu saran lambar je kaduee. 11Tampa lime puluh kawit bara tambaga tuntang ngawit jete intu galang sangkawit te mangat due lambar sapau te tau inambing jadi sapau kemah. 12Satengah tetek benang je kalabie jete hapa manutup hila likut kemah. 13Kalabien benang je kalombahe limepuluh sentimeter hasansila je sama dengan kapanjang kemah inalua nantahulei hapa manutup balikat kemah te.

14Tampa due tutup akan hila luar kemah, ije bara upak tabiri hatue je impahandang tuntang ije tinai bara upak lamos.

15Tampa kare karangka kemah je mendeng hambujur bara kayu panaga. 16Genep rangka kagantonge epat meter, kalombahe 66 sentimeter. 17Intu genep rangka aton due pasak je ije kapasang, sampai kare rangka te tau inontong. 18Akan silae hila salatan kemah, tampa due puluh rangka, 19dengan epat puluh lapike bara perak; due intu penda genep rangka akan due pasake. 20Akan silae hila utara kemah, tampa due puluh rangka 21dengan epat puluh lapike bara perak, due intu penda genep rangka. 22Akan silae hila likut kemah iete hila barat, tampa jahawen rangka, 23due rangka akan genep putinge. 24Kare rangka putinge inontong intu hila paie, palus sampai hila hunjue. Due-due rangka je mawi putinge musti iawi kalote. 25Balalu samadiai aton hanya rangka dengan jahawen walas lapik perak, due intu penda genep rangka.

26Tampa lime walas kayu hamparang bara kayu panaga, lime akan rangka intu ije balikat kemah, 27lime akan balikat je beken, tuntang lime tinai akan balikat kemah silan likut hila barat. 28Kayu hamparang je bentok imasang setengah rangka kagantonge, bara tapakan akan tapakan kemah te. 29Rangka kemah tuntang kare kayu hamparang te ingalukop dengan amas. Kare galang hapa manahan kayu te inampa bara amas. 30Pendeng kemah te tumon taloh je imparahang-Ku akam intu hunjun bukit toh.

31Tampa dinding-benang bara benang baputi halus je inampa bara wol biru, ungu tuntang bahandang. Sulam benang te dengan gambar kerub. #26:31: kerub: Ite 25:18. 32Koak dinding benang te intu epat tihang kayu panaga je ingalukop hapan amas, dengan kawit amas hayak imasang hunjun epat lapik perak. 33#Ibr. 6:19, 9:3-5 Andak dinding benang te intu penda baris kawit intu sapau Kemah. Hong likut dinding-benang te iandak Patin Janji je basuang due-due batu te. Dinding benang te mamisah Kamar Ije Barasih bara Kamar Ije Barasih Haliai. 34Andak tutup Patin Janji te intu hunjun patie. 35Meja parapah andak intu luar Kamar Ije Barasih Haliai intu hila utara; tantahan sumbo intu hila salatan huang kemah te.

36Tampa dinding-benang akan bauntonggang kemah bara benang baputi halus je inampa bara wol biru, ungu tuntang bahandang, ihias dengan sulam. 37Akan dinding-benang te inampa lime tihang bara kayu panaga je ingalukop dengan amas tuntang inontong hapan lime kawit amas. Tampa lime lapik bara tambaga akan kare tihang te.”

Currently Selected:

EKSODUS 26: NIJ

Highlight

Copy

Compare