EKSODUS 25

Parapah akan Kemah Tuhan

(Eks. 25:4-9)

1 Tuhan hamauh dengan Moses, 2“Soho oloh Israel mimbit parapah akang-Ku. Eweh je pahias, musti mimbit parapah 3bara: amas, perak tuntang tambaga; 4benang baputi halus, benang wol biru, ungu tuntang bahandang; benang bara bulun kambing; 5upak tabiri hatue je impahandang, upak lamos, kayu panaga; 6undus akan sumbo, rarampah akan undus upacara mandudus tuntang akan garo je mangat ewaue; 7macam-macam batu permata akan imasang intu epod#25:7: epod: Ije katetek pakaian je ampie kilau baju sangkarut (rompi) inampa bara benang je hakabeken warnae je paham barega. Intu baju toh imeteng ije kantong je basuang Urim tuntang Tumim, due macam taloh je ihapan imam hapa mangatawan kahandak Hatalla. tuntang tusok usok Imam Hai. 8Soho bangsa te manampa ije kemah akang-Ku, mangat Aku tau melai bentok ewen. 9Kemah tuntang pakakase musti inampa ewen manumon taloh je kareh imparahang-Ku akam.”

Patin Janji

(Eks. 37:1-9)

10“Tampa ije pati bara kayu panaga je panjange 110 sentimeter, kalombahe sama dengan kagantonge iete 66 sentimeter. 11Ngalukop hila huange tuntang hila luare mahapan amas tulen tuntang tampa bingkaie bara amas. 12Akan kayu hapa meton pati te, tampa epat galang amas tuntang ngawit intu kaepa-epat paie, due galang intu genep balikate. 13Tampa kea kayu pikule bara kayu panaga tuntang jete ingalukop dengan amas, 14palus namean kayu pikul te akan huang galange intu genep balikat pati te. 15Kayu pikul te musti tetep aton huang kare galang te, tuntang dia tau impalua. 16Palus huang pati te musti ingkes due kabindang batu dengan kare parentah je kareh inenga-Ku akam.

17 # Ibr. 9:5 Tampa tutup pati te bara amas tulen, kapanjange 110 sentimeter tuntang kabukae 66 sentimeter. 18Tampa due kerub#25:18: kerub: Baris malekat, je inggambar kilau taloh belom je mahapan palapas, tanda akan kahain Hatalla tuntang Ie aton tokep. bara amas tinih, 19ije intu genep tapakan tutup pati te. Kadadue kerub te musti impaleket jadi ije dengan tutupe, 20tuntang awi hataharep dengan palapas je hambirang intu hunjun pati te. 21Ingkes kadadue batu te intu huang pati te tuntang masang tutupe intu hunjue. 22Intu eka te Aku kareh hasondau dengam tuntang bara hunjun tutupe, helat due kerub te, ikau kareh inenga-Ku kare parentah-Ku akan bangsa Israel.”

Meja akan rote parapah

(Eks. 37:10-16)

23“Tampa ije meja bara kayu panaga je kapanjange 88 sentimeter, kabukae 44 sentimeter, tuntang kagantonge 66 sentimeter. 24Ingalukop hapan amas tulen tuntang masang ije bingkai amas hakalilinge. 25Tampa les manyaroroi saran meja 7,5 sentimeter kalombahe; tuntang tenga batas amas hakaliling les saran meja te. 26Tampa epat galang bara amas tuntang masang galang te intu epa-epat puting hong paie tokep sarae. 27Galang te akan hapa manahan kayu pikule mangat meja te tau ieton. 28Kayu pikul te musti inampa bara kayu panaga je ingalukop hapan amas. 29Tampa kare piring, kare sangkir, kare kandi tuntang kare mangkok akan indu parapah danum anggor. Uras pakakas meja te musti inampa bara amas tulen. 30#Lew. 24:5-8 Meja te musti iandak intu baun Patin Janji; tuntang intu hujun meja te musti harajur aton rote parapah.”

Tantahan sumbo

(Eks. 37:17-24)

31“Tampa tantahan sumbo bara amas tulen. Galange tuntang eka mimbinge inampa bara amas tinih; kare kambang hias, tamput kudope tuntang dawen kudope musti jadi ije dengan galange tuntang eka mimbinge. 32Intu eka mimbinge te inampa jahawen cakang; telo cakang intu genep balikate. 33Intu genep cakang inampa hiasan kilau epat kambang kanari dengan kudop tuntang dawen kudope. 34Intu eka mimbinge inampa hiasan kambang kanari dengan kudope tuntang dawen kudope. 35Intu penda genep pasangan cakang te inampa ije kudop. 36Uras tantahan sumbo te dengan kare kudop tuntang kare cakange inampa bara ije katujur amas tinih tulen. 37Tampa uju sumbo intu tantahan sumbo te tuntang masang bua-buah ampie sampai kalawae manaharep akan hila baun. 38Tampa pakakas hapa marasih hampulor sumbo te tuntang talame uras bara amas tulen. 39Keleh mahapan telo puluh lime kilo amas tulen akan hapa manampa tantahan sumbo te tuntang kakare macam pakakase. 40#Gaw. Ras. 7:44; Ibr. 8:5 Ite titi-titip mangat tantahan sumbo te inampa manumon sonto je imparahang-Ku akam intu hunjun bukit toh.”

Currently Selected:

EKSODUS 25: NIJ

Highlight

Copy

Compare