EKSODUS 24

Janji incacak

1Limbah te Tuhan hamauh dengan Moses, “Keleh mandai mangat manaharep Aku, ikau dengan Aron, Nadab tuntang Abihu, tuntang uju puluh pamimpin bangsa, palus sontop manyembah Aku bara kejau. 2Baya ikau kabuat tau dumah manokep Aku. Je beken dia usah toke-tokep. Labih tinai rayat dia tau mandai bukit toh.”

3Moses balaku haguet mansanan akan bangsa te kakare parentah tuntang atoran Tuhan. Ewen uras tombah haya-hayak, “Ikei handak malalus kakare taloh je insanan Tuhan.” 4Limbah te Moses manyurat uras parentah Tuhan. Hanjewu jewue ie mampendeng ije mesbeh dengan due walas tugu batu intu pain bukit te; genep tugu mawakil ije bara suku Israel. 5Palus Moses manyoho pire-pire oloh tabela; Ewen maluput parapah je ingehu akan Tuhan tuntang manyambalih pire-pire kongan sapi indu parapah akan kadamai. 6Belahe dahan sapi te induan Moses tuntang inusohe akan huang kare sangko. Belahe tinai inosohe akan hunjun mesbeh. 7Limbah te induae buku janji eka parentah Tuhan inyurat, palus imbasae hapan auh je hai akan bangsa te. Koan ewen, “Ikei handak manumon auh Tuhan tuntang malalus kare parentah Ayue.”

8 # Mat. 26:28; Mrk. 14:24; Luk. 22:20; 1 Kor. 11:25; Ibr. 9:19-20, 10:29 Palus Moses manduan daha je aton huang kare seng danum te tuntang mambirike akan hunjun rayat. Koae, “Daha toh mandehen janji je imeteng Tuhan dengan keton hagalang kare parentah Ayue.”

9Limbah te Moses, Aron, Nadab, Abihu tuntang uju puluh pamimpin te mandai bukit. 10Ewen mite Hatallan Israel mendeng intu hunjun taloh je kilau laseh bara batu nilam je biru kilau langit je barasih. 11Kare pamimpin oloh Israel te jari mite Hatalla. Aloh kalote ewen dia impatei Awie. Limbah te ewen kuman mihop.

Moses intu Bukit Sinai

12Limbah te Tuhan hamauh dengan Moses, “Talih Aku intu hunjun bukit. Hete kareh inenga-Ku akam due batu je inyurat-Ku dengan kakare parentah ayung-Ku. Kakare parentah te inenga-Ku indu ajar akan bangsa te.” 13Palus Moses tuntang Yosua pembantue manatap arepe tuntang Moses mandai #24:13: Moses mandai; menumon ije salinan je bara horan ewen mandai. bukit eka Tuhan melai te. 14Moses jari mameteh kare pamimpin Israel, “Entai intu kare kemah toh sampai aku haluli. Aron tuntang Hur aton dengan keton intu hetoh. Eweh aton pakarae, tau manaharep ewen mangat tau imutus.”

15Moses mandai bukit Sinai balalu ie inutup awi baunandau. 16-17Kalawan panumah Tuhan mohon akan hunjun bukit, gitan oloh Israel kilau apui je hanyala hunjun bukit. Jahawen andau katahie baunandau te manutup bukit te, tuntang hong andau je kaujue Hatalla mantehau Moses bara baun andau te. 18#Deu. 9:9 Balalu Moses mandai tuntang tame akan huang baunandau te. Epat puluh andau epat puluh alem Moses melai hete.

Currently Selected:

EKSODUS 24: NIJ

Highlight

Copy

Compare