AMOS 4
4
1Keleh hining toh, o kare bawin Samaria je sasar basepot sama kilau kare sapi intu Basan! Keton mahenyek oloh balemo, mararat oloh je belom susah, tuntang balaku mangat banam harajur manatap taloh ihop bahari akam! 2Aku, Pangkahai Tuhan, iete Tuhan ije barasih, tuntang Aku jari hajanji iete keton akan iihir hapan kawit; keton uras sama kilau lauk je sangkawit intu isin pisi. 3Keton akan iihir manintu bukit Hermon#4:3: Hermon: Manumon naskah Ibrani: Harmon. tuntang genep biti intarik akan luar, mahalau helat dinding je paling tokep. Aku Tuhan jari hakotak.”
Israel dia maku mahining
4Pangkahai Tuhan hamauh, “O ungkup oloh Israel! Keleh haguet akan eka sombayang hong Betel, tuntang nguan dosa intu hete! Lius akan Gilgal, tuntang lalus dosa tumon kakilak keton! Keleh maluput parapah sining hanjewu, imbit sapersapuluh bara kakare pandinom genep telo andau! 5Keleh maluput rote kilau tanda tarimakasih dengang-Ku, keleh mangamburau je keton jari mimbit pandahang parapah! Batantu jete je keton rajin mawie!
6Aku je mawi buku lau te buah hapus lewun keton, tapi keton dia mules haluli manalih Aku. 7Aku dia mampamohon ujan katika pambolan keton perlu toto dengan danum. Aku mampamohon ujan akan lewu je ije tapi dia akan lewu je beken. Tana ije mandino ujan, tapi tana ije beken keang kamahau. 8Intu pire-pire lewu, kare oloh je balemo awi teah belaie, manggau danum akan lewu je beken, tapi danum intu hete tapas kea. Aloh kalote, keton dia kea mules haluli manalih Aku.
9Aku mahimon riwut balasut tuntang mangirim kare hama je marusak kare taloh imbul tuntang kare kabon anggor keton. Kare batang ara, tuntang kare batang saitun keton jari lepah kinan sangkalap. Aloh kalote, keton dia kea mules haluli manalih Aku.
10Aku mawi panyakit akan keton sama kilau je puji iawi-Ku akan oloh Misir. Kare oloh tabela ain keton impatei-Ku huang parang, tuntang kare kuda ain keton irabut. Aku manyuang kare kemah keton hapan kare hantu je ewau maram. Aloh kalote, keton dia kea haluli manalih Aku.
11 #
Gen. 19:24
Belahe bara keton imbinasa awiku sama kilau Aku mambinasa Sodom tuntang Gomora. Je magon belom marak keton sama kilau pandok apui je induan bara apui. Aloh kalote, keton dia kea haluli manalih Aku. 12Awi te, o ungkup Israel, aku akan mahukum keton. Jadi keleh tata-tatap manaharep hukum je akan iawi-Ku akan keton!”
13Bukit tuntang riwut, Tuhan bewei je manjapae;
rencana Ayue insanan Awie akan olon.
Ie manampa andau tuntang alem;
intu hunjun tantan kare bukit hong kalunen Ie mananjong.
Tuhan, Hatalla je Pangkahai,
jete aran Aie.
Currently Selected:
AMOS 4: NIJ
Highlight
Copy
Compare
Share
Want to have your highlights saved across all your devices? Sign up or sign in
