MAZMUR 98
98
Tumpu na mongkuasai dunia
1Mazmur.
Nyanyiakonmo hi Tumpu na nyanyian anu sala'je ingajan,
kalana apa-apaa na anu binau-Nyomo talalo ahi' okabangangi!
Ola samata-mata kakuasa'an ka' posi kahosonan-Nyo.
Ia nohumpakmo ka'untungan na, nahampate.
2Tumpu nombebakonmo ka'untungannyo nahampate;
Ia nombebakonmo ka'adilan-Nyo hi to bansa-bansa.
3Ia nonginau'mo kalibosan ka' kanonongan-Nyo,
hi Israel, hi mian anu palesayamo hi ia.
Iwi-iwi' na bansa, i songko-songko na dunia
nontoamo ka'untungan nu Tumpunto nahampate.
4Lewa' otaligalai na Tumpu, o belemiu songko-songko na dunia!
O puji' na Tumpu nu nyanyian ka' lewa' montaligala lame-lame'.
5Nyanyiakon na nyanyian bau pompuji' Tumpu,
ka' okuti'akon kasapi'.
6Puhi na tolompet ka' po'onyi' daka-daka',
otaligalai na Tumpu, Tomundo'to.
7Pombuhokmo mae na belemiu ambai tiba iwi-iwi' na isinyo
dunia ka' iwi-iwi' na anu monjojoongi.
8Bakas da kaunyo iwi-iwi' mohapa'imo lima,
ka' iwi-iwi' na puge'nyo montaligalaimo lame-lame' i ahop nu Tumpu.
9Kalana ia toka mae da momputusimo hukuman nu dunia;
iwi-iwi' na bansa oputusimo na hukuman-Nyo, ka' adin ka' madi' hondo sala'.
Currently Selected:
MAZMUR 98: LAILOE
Highlight
Copy
Compare
Share
Want to have your highlights saved across all your devices? Sign up or sign in
