MAZMUR 97
97
Talasanggo hondo na kakuasan nu Tumpu
1Tumpu aijo'mo na Tomundo'! Dunia tionyo ahi' balame-lame'mo
ka' iwi-iwi' na togong suele ahi' balame-lame'mo.
2Ia tinikubanmo nu kundom ka' kapintungan;
ka'adilan ka' atulan aijo'mo na bau katinjoan nu kapalentahan-Nyo.
3Apu nokaanmo i ahopnyo,
nontoyo'imo anu monsampobali' aijo' titikub hi Ia.
4Kilatnyo nonjingkaimo dunia,
dunia ilakatnyomo na nontoa.
5Iwi-iwi' na bungkutnyo inoe'mo susumo tahu' i ahop nu Tumpu,
i ahop nu Tumpu anu mongkuasai songko-songko na dunia.
6Langit nombebakonmo ka'adilan-Nyo,
ka' iwi-iwi' na bansa nontoamo kaholomatan-Nyo.
7Iwi-iwi' na mian anu monsombah pilogot opopo'ambangmo,
anu mongkabubuunakon to bala-balang anu madi' kogunanyo;
iwi-iwi' na pilogot tolodadupumo monsombah i ahop nu Tumpu.
8Anu monjojoongi Sion tiba kota' iwi-iwi' i da'erah Yehuda sanangmo,
salatan nohongomo kaputusan nu Tumpu.
9Kalana Belento, o, Tumpu, anu mongkuasai songko-songko na dunia;
Belento talasanggo hondo molingkudui iwi-iwi' na pilogot.
10O, belemiu mian anu mongka'ima'i Tumpu,
ka'ideki na kalakuan anu ma'idek!
Kalana Tumpu monjagai kantumuu'an nu mian anu palesayamo hi Ia,
Ia nompobebasmo aha da madi' nukuasai nu mian anu palaganta.
11Jingka binete'mo, da monjingkaimo mian anu hodi' na kinyonyoanyo;
ka' kalame'an hi aha anu hodi' na kinyonyoanyo.
12Balame-lame'mo, o to mia-mian anu hodi' na kinyonyoanyo,
kalana nontaupmo apaa na anu binaumo nu Tumpu,
ka' pontalima kasemo hi Tumpu anu susi' hondo.
Currently Selected:
MAZMUR 97: LAILOE
Highlight
Copy
Compare
Share
Want to have your highlights saved across all your devices? Sign up or sign in
