MAZMUR 99
99
Tumpu, Tomundo' anu Talasanggo
1 #
Kel. 25:22
Tumpu aijo'mo na Tomundo';
to bansa-bansa langkakatan.
Ia sumuhang aita' i to mala-malaekat,
dunia gayu'an.
2Daka' hondo na kakuasa'an nu Tumpu i Sion;
Ia talasanggo hondo molingkudui iwi-iwi' na bansa.
3Bakas da aha mompuji' anu talalo hondo oholomati.
Ia talalo hondo susi'!
4Kakuasa'an olamo samata-mata hi Belento, Tomundo' anu mongka'ima'i atulan;
Belento montoongimo atulan anu totu'u,
Belento mompojalanmo atulan tiba ka'adilan hi aha Israel.
5Oholomati ka' opopodaka' na Tumpunto anu talasanggo
tolodadupumo i ahop nu kasuhangannyo ka' sombahmo na Ia.
Ia talalo hondo Susi'!
6I Musa tiba i Harun minsoopmo to ima-imam-Nyo,
i Samuel sala'samian na anu binalado'amo hi Ia.
Aha nonkakasemo hi Tumpu,
ka' tinaaman-Nyomo mae.
7 #
Kel. 33:9
Aita' mae i kundom Ia notataemo mae hi aha,
aha tulu-tulutan hondo hi iwi-iwi' na atulan ka' palentah-Nyo.
8O, Tumpu mami, Belento nontaamimo mae mian anu palesayamo hi Belento;
Belento Tumpu anu mongka'oho' mongampuni aha.
Maumo ahi' aha nuhukum nu Belento kalana kasala'an nu aha.
9Oholomati ka' opopodaka' na Tumpunto,
ka' sombahmo na Ia i Puge'-Nyo anu Ia na tumpu'nyo ka' anu susi' hondo,
kalana susi' hondo na Tumpunto.
Currently Selected:
MAZMUR 99: LAILOE
Highlight
Copy
Compare
Share
Want to have your highlights saved across all your devices? Sign up or sign in
