MAZMUR 87
87
Bau pompuji' Yerusalem
1Sa'angu' na nyanyian. Mazmur nu aha sa'anakan i Korah.
Tumpu nompotinjomo kota'-Nyo
aita' i puge'-Nyo anu susi', anu Ia na Tumpu-Nyo.
2Iwi-iwi' na kota' i Israel,
Yerusalemo na anu talalo hondo nu kalibosi.
3Potombihing mae, o, kota' nu Tumpu Allah,
hahan anu okabangangi pinoto'inyomo apaa na anu binaumo nu belento;
4“Mesir tiba Babel Ku posoopmo
i daputan nu to bansa-bansa anu tulu-tulutan hi Belenku.
Ka' mule' Filistea, Tirus tiba Sudan
ninsoopmo i lekengan nu mian anu jojoong i Yerusalem.”
5Mian motataemo hi Sion,
tukoonyo iwi-iwi' na bansa minsoopmo gampanyo
ka' Anu Matangkas na Kuasanyo na nontantukanmo ia.
6Tumpu momposoopmo iwi-iwi' na bansa
i daputan nu to mia-mian anu jojoong i Yerusalem.
7Aha monsaleleimo ka' manyanyimo,
“Sion aijo'mo na tampat pinolengkatanku mae!”
Currently Selected:
MAZMUR 87: LAILOE
Highlight
Copy
Compare
Share
Want to have your highlights saved across all your devices? Sign up or sign in
