MAZMUR 74
74
Do'a da opomaladeka mae na bansa
1Nyanyian pangajalan i Asaf.
O, Tumpu, pa' sidu-sidutu'mo na Belento mompala'i kami?
Kadaka' sampamo, montambuha'i na Belento posi mian nu Belento anu palesayamo hi Belento?
2Inau'akon mae na mian anu palesayamo hi Belento anu salatanmo pe'e naipuan mae pinile'anmo nu Belento,
bansa anu pinobebasmo nu Belento da Belentomo na tumpu-Nyo.
Inau'akon mae na Puge'nyo nu Sion,
anu binaumo kajojoongan nu Belento.
3Mamba mae toakon na tampat anu nohobo-hobo'mo;
iwi-iwi' na anu i laigan nu Belento i hansuhanmo nu sampobali'.
4Anu monsampobali' mae Belento lewa'mo, nolo ais i laigan nu Belento,
ka' lewa'mo nompototoni bandela' i kiijo' salaku bau pontandai aha inguntungmo na nahampate.
5Aha sumomo mian anu montaa' kau' nontangkakonmo bobolo'nyo
kahanda'mo, montaa' kau' iwi-iwi' i uno nu alas.
6Iwi-iwi' na anu ingukin na kau' ingideanmo nu aha
nu bobolo' ka' malatelu daka-daka'.
7Laigan nu Belento pinapuanmo nu aha sahingga no'angotmo;
ka' nahumimi'imo na tampat ponsomban Belento.
8Aha kahanda'mo, mompatundu' kami ingko-ingkot,
ka' mompapuimo iwi-iwi' na tampat anu bau ponsomban Tumpu i lipu' aiya.
9To nabi-nabi ka' tanda-tanda anu okabangangi madi'mo daagi' tinoa,
ka' madi' ko anu monsumbu' pa' hipianje na anu susumo aiya belentimo.
10Hipianje na belenti, O, Tumpu, na anu monsampobali' mae belentimo madi'mo mongkokojoi Belento?
Pa' sampemo toka sidu-sidutu' na aha mongalu sanggo nu Belento?
11Kadaka' Belento madi'mo montulungi mae kami?
Kadaka' Belento nompojohokmo mae kami?
12Salatanmo pe'e momonanyo Belentomo na tomundo'ku, o, Tumpu,
Belentomo na nomposalamat mae kami.
13 #
Kel. 14:21
Tiba kahosonan anu daka' hondo ka' anu madi' opoko ala opokakanai, Belento nongga'atmo ambai
ka' nompahantohakakonmo ubak nu ulo anu toto daka-daka' i ambai.
14 #
Ayb. 41:1, Mzm. 104:26, Yes. 27:1 Belento nompohintutumo iwi-iwi' na ubak nu Lewiatan
ka' nompotimbalimo ia kaanon nu anu jojoong i tampat padang anu mateges.
15Belento nompotimbalimo da mata nu uee ka' kaunyo mo'ili;
kaunyo anu daka' pinotimbalimo nu Belento da no'oti.
16Belentomo na nompotimbali sinaa tiba pihi,
ka' nontantukanmo tampat nu batu nu sinaa ka' bitu'on.
17Belento nontantukanmo toka iya na puusnyo nu dunia,
nontantukanmo tempo' nu posinaa ka' tempo' nu ehua.
18Inau'akon mae mosia na anu monsampobali' mae kami nongalumo Belento, o, Tumpu,
bansa anu madi' monsumbu' Belento nompisala'imo sanggo nu Belento.
19Boli mombee' mian anu palesayamo hi Belento anu madi'mo moko ala mombau apa-apaa
i lima nu mian anu monsampobali' mae, anu tala-talalomo hondo sininggi.
Boli sampemo toka sidu-sidutu' na mongkolilimi mae kantumuu'an nu mian anu palesayamo hi Belento anu nonta'aupmo kasusa'an aiya.
20Boli okolilimi na palajanjian nu Belento hi kami
kalana mian anu taha-tahahumo na singgi mombau apa-apaa,
iyaya mae na tampat anu madi' osumbu' i lipu' aiya.
21Boli mae opojohok na mian anu pinosansalamo, opopo'ambang,
o'amalakon da mian anu sinakisamo ka' kinasiasimo mompuji' Belento.
22Pobungkutmo mae o, Tumpu, tinjohi mae na palakala nu Belento!
Kalana sansina-sinaa saja' o'alu na Belento nu to mia-mian anu madi' palesayamo hi Belento.
23Boli okolilimi na anu monsampobali' mae Belento lewa'mo nolo'ais,
lewa'mo i hengge' na aha anu mongewa Belento ka' kinodaka-daka'nyomo na ais nu aha!
Currently Selected:
MAZMUR 74: LAILOE
Highlight
Copy
Compare
Share
Want to have your highlights saved across all your devices? Sign up or sign in
