MAZMUR 75
75
Tumpu mian kopian anu madi'mo ko anu molingkudui
1Anu mongkapalai panyanyi. Ingala i lagu nu nyanyian: Boli mompatei. Mazmur i Asaf. Nyanyian.
2Kami monsombah Belento, o Tumpu,
kami montalima kase, hi Belento ka' mombebakonmo kalaja nu Belento anu talalo hondo okabangangi.
3Tumpu notataemo, “Toka i tempo'nyo anu tinantukan-Kumo,
Aku momputusimo ulusan anu adin hondo.
4Bisuannyo tano' tiba iwi-iwi' na anu jojoong i unonyo gayu'anmo
Aku na mompo'ule' mompohoson ohi'nyo iwi-iwi'.”
5Kona hi mian anu lewa' buulon, Ku taloakonje
da bolimo daagi' lewa' buulon.
6Ka' hi mian anu ma'idek na kinyonyoanyo,
da bolimo daagi' lewa' ko tige-tige
boli mosi puji' butong
kabai motatae takabun.
7Kalana anu momputusi ulusan misa' molengkat mae i sasu kabete'an kabai i sasu kinsoban
misa' mule' molengkat mae i sasu utara kabai i sasu selatan.
8Panyo posi Tumpu ahi' na momputusi ulusan,
Ia na mompototu'u samian ka' mompisala'i sangga'at.
9Tumpu motambuha' sumomo mangko' aijo' i lima-Nyo,
mangko' aijo' ko isinyo anggur anu molangui hondo.
Tumpu mombubusakonmo isinyo,
iwi-iwi' na mian anu ma'idek na kinyonyoanyo i dunia aiya tionyo ahi' monginum sampe mingkot.
10Panyo aku sabole-boleh saja' mombebakon Tumpu i Yakub,
monyanyi, nyanyian anu bau pompuji' Ia.
11Ia molepo'imo kahosonan nu mian anu ma'idek na kinyonyoanyo,
panyo mian anu manonong na ko pintu-pintuangnyomo ahi' na kahosonannyo.
Currently Selected:
MAZMUR 75: LAILOE
Highlight
Copy
Compare
Share
Want to have your highlights saved across all your devices? Sign up or sign in
