MAZMUR 65
65
Mompuji' ka' montalima kaseh
1Anu mongkapalai panyanyi. Mazmur i Daud. Nyanyian.
2Konanyomo na kami mompuji' Belento, anu kiita' i Sion, o, Tumpu,
ka' mongganapimo janji' mami hi Belento.
3Kalana Belento na mombee' mae anu kinakasemo mami i uno nu do'a;
iwi-iwi' na mian tinokamo mae hi Belento kalana binaladosa'mo.
4Dosa'ku iwi-iwi' naboatmo hondo hi belengku,
panyo ingampunanmo nu Belento.
5Mohumpakmo ka'ima'an na kantumuu'an nu mian anu pinile'anmo nu Belento
ka' anu ilagamo nu Belento da jojoongmo i laigan nu Belento.
Kami nu osaimo nu anu toto ima-ima' iwi-iwi'
i Laigan nu Belento, kajo-kajojoongan nu Belento anu susi'.
6Belento nontaamimo mae kami ka' nombee'imo mae kami da inguntungmo na nahampate,
binaumo nu Belento na hahan anu okabangangi kahanda' momposalamat kami.
Belento na kataha'imanan nu bansa
iwi-iwi' toka-toka i ndalangon anu najo'onmo.
7Kalana kahosonan nu Belento, pinotinjomo nu Belento, na to bungku-bungkutnyo
bau pompotoa kakuasa'an nu Belento anu moko ala hondo mombau apa-apaa.
8Pinobelentimo nu belento na buhok nu ndalangon ka' bokon anu taha-tahahumo hondo,
ka' pinobelentimo nu Belento na bansa iwi-iwi' anu saja' mombau kahengge'an.
9Iwi-iwi' na anu jojoong i dunia aiya nabuhukmo ka' no holomatimo
kalana nontoamo apa-apaa na anu binaumo nu Belento anu madi' hondo kogampanyo.
Songko-songko na dunia lengkat mae i puusnyo sa'angu' toka-toka i puusnyo sa'angu',
pinolame'mo nu Belento ka' lewa'mo nontaligalai.
10Tano' aitu Belento na mongkalesang ka' Belento na nombee'i mae ujan,
pinotimbalimo nu Belento da na'omuk sahingga hasinnyo manjoo' hondo.
Iwi-iwi' na kaunyo pinobuke'an nu Belento nu uee,
tinoukanmo nu Belento gandum na aha,
ya, sumo aijo'mo na Belento nompotoukai.
11Belento nompojalanimo uee i kinatuluan nu pajekonyo,
ka' i humpisan-Nyomo na tano' anu ma'isa nohibu.
Belento nongujanimo mae sahingga tano' madi'mo bineleng,
ka' sosu'anon anu sala'je mae tumuu' pinolumba'akonmo nu Belento na tinumuu'.
12Kalana Belento nongkanonongimo mae, sataun toka sataun nuposadiakonmo nu Belento na bua'nyo nu sosu'anon anu ohumpak mami
iya na anu katokaan nu Belento, i kiijo' na anu ohumpak manjoo'.
13Tampat anu mateges nanjoo'mo na mee'nyo tiba dombanyo,
iwi-iwi' na puge'nyo lame'mo.
14Iwi-iwi na tampat anu manjoo na hemputnyo sinalintutubanmo nu domba,
to bangka-bangka'nyo kahomo gandum.
Iwi-iwi' nontaligalaimo ka' nanyanyimo ka' i lame'mo.
Currently Selected:
MAZMUR 65: LAILOE
Highlight
Copy
Compare
Share
Want to have your highlights saved across all your devices? Sign up or sign in
