MAZMUR 55
55
Do'a mongkakase da ojagai mae de ko sampobali' anu montumbuhimo mae
1Anu mongkapalai panyanyi. Okuti'akon kasapi. Nyanyian pangajalan i Daud.
2O Tumpu, potombihingakon mae na do'angku,
boli ola mosiloi de mohongomo anu ku kakase.
3Palahatikanakon mae na aku ka' taami mae na aku,
aku silakamo nu kasusa'anku.
4Kinyonyoangku nangada'mo kalana anu monsampobali' mae aku notomuhukmo mae
ka' mian anu ma'idek na kinyonyoanyo nonsansalamo mae.
Kalana aha momposusa'mo mae kantumuu'anku,
ka' pinusamo hondo na monsampobali' mae aku.
5Kinyonyoangku talalomo hondo mangada',
mongkabuhuk silaka aijo'mo na saja' ku tutugi.
6Aku sinaingkukubanmo nu kinyonyoa anu binata-batamo ka' nabuhukmo,
nansihimo na bulungku bau nu buhuk.
7Ah, de aku ko polipiknyo susumo malapatii'
aku lumahapmo molio tampat anu madi' ko anu mompoposia.
8Memang, aku lumapmo majo-majo'on hondo,
ka' jojoongmo i tampat anu mateges.
9Aku sampamo molio tampat pihohungan
da madi' nukona nu tombosisi' ka' antong anu daka' hondo.
10O Tumpu, pobingongakonmo na aha iwi-iwi' anu monsapobali' mae aku,
bolimo daagi' mompahakona na aha basale',
kalana i uno nu kota' tinoangkumo na kabaanian nu aha ka' anu saja' mahantuda'.
11Sinaa ka' pihi aha lewa'mo mamba momoya
mombau anu ma'idek ka' monsaduakonmo mian sahingga
madi'mo kaposa'angu'an.
12Iyaya mae daagi' ko anu sinilakanmo;
anu nonsansalamo mian ka' anu nongakalimo mian, saja'
mo jinadi i pasan tampat anu lewa' pompobalukan apa-apaa.
13De maluannyo anu monsampobali' mae aku na mongalu mae aku,
daagi' timbali ku intimakon.
De maluannyo anu mongewa mae aku na mompobau-bau mae aku,
daagi' timbali aku naninsuluk da madi' ia montoa mae.
14Panyo taalu' beleyum ahi', sangalungku, sampobela'ku,
sangalungku anu mompaha kanaya hondo na nombaumo mae anu ma'idek hi belengku.
15U'utu mae kita mompaha kanaya paing kali-kalibosian,
ka' timbali monsombah Tumpu hingga-hinggat i Laigan nu Tumpu.
16Bakas da anu monsampobali' mae aku monti-montik silakamo
ka' daagi' tutuu' mintatau'mo i dunia nu mian anu sinilakamo,
kalana kalakuan anu ma'idek kiijo' i laigan nu aha,
kiijo' i kinyonyoa nu aha.
17Panyo aku mongkakasemo hi Tumpu,
Tumpuje na momposalamat aku.
18Sinaa ka' pihi aku lewa'mo bapisala' ka' lewa'mo humang,
ka' pinotombihing-Nyomo mae na potataengku.
19Ia nomposalamatmo mae aku da madi' pinatean nu sampobali' anu nontumbuhimo mae aku,
anu nambamo mae mongewa aku.
20Tumpu anu nompalentahmo salatanmo pe'e dunia,
Ia na mompotombihing mae aku ka' mompatundu'mo aha.
Kalana aha madi' mongka'oho' balatobat,
ka' madi' mabuhuk hi Tumpu.
21Anu u'utu mae toho'binau sangalungku nolambanimo mae to sanga-sangalunyo,
ia madi'mo nontoongi anu jinanji'nyomo.
22Potataenyo ma'ima'hondo na ia mombisalai,
panyo i uno nu kinyonyoanyo mongka'ideki.
Ia basisik madi' ko pesa-pesa,
panyo monsusuk, sumomo bajak na ko tajomnyo.
23De bata-batamo na beleyum kalana mabuhukmo asanakonmo hi Tumpu,
sahingga Iaje na montulungi beleyum;
kalana mian anu hodi' na kinyonyoanyo, madi' ola nu pojohok nu Tumpu na ia opatundu.
24Panyo Belento, o, Tumpu, montuamo aha
i uno nu bolo' anu talalo hondo maleeng.
To mia-mian anu pangakali ka' anu lewa' mombubusakon baso'
madi' nutokai nu aha na umun nu aha maumo ola sambahagian.
Panyo aku palesayamo ahi' hi Belento.
Currently Selected:
MAZMUR 55: LAILOE
Highlight
Copy
Compare
Share
Want to have your highlights saved across all your devices? Sign up or sign in
