MAZMUR 56
56
Tumpu na otaha'imani de susa'mo
1 #
1Sam. 21:13-15
Anu mongkapalai panyanyi. Ingala i lagu nu nyanyian: Malapatii' anu i momo'mo, lengkat mae i da'erah anu majo'on. Mazmur i Daud tempo'nyo mian nu Filistin nohakopmo ia kiijo' mae i Gat.
2Kalibosiakon mae na aku, o, Tumpu kalana aku tinumbuhanmo mae,
saja'mo aku sinansala nu to mia-mian anu monsampobali' mae aku.
3Sansina-sinaa na aku opahampeja'akon nu mian anu nongewamo mae aku;
manjoo' hondo na mian anu nonsampobali'mo mae aku,
o Tumpu Anu Matangkas na Kuasa-Nyo.
4Salatan aku nabuhukmo,
aku nontaha'imanimo Belento.
5Aku nompuji'mo Tumpu kalana nonginau'mo apaa na anu jinanji'Nyomo;
aku palesayamo hi Ia, sahingga aku madi'mo nabuhuk, manusia madi' moko ala mombau apa-apaa hi belengku.
6Sansina-sinaa na mian anu monsampobali' mae aku mongusahakon da madi'mo mingkona na pikilanku mompotutugakon apa-apaa,
saja'mo aha bala'usaha monsilakai mae aku.
7Aha babola-bolak i tampat paninsulukan,
mompotomatakon mae iwi-iwi' apaa na anu ku bau,
ka' molio jalan pa' mosia na mompatei aku.
8Pa' daagi' mule' ko kasalamatan na aha anu lewa'mo mombau anu ma'idek?
Tambuha'imo na aha ka' silakai-Mo, o!
9Belento nombilangmo iwi-iwi' na sinaa anu pinakengkumo lewa' namba noyaya,
ka' nonsumbu'mo konjoo'nyo nu lolu'ku;
pa' madi'o nu posoop i uno nu lekengan nu Belento na kasansala'anku aiya?
10I sinaa aku nongkakasemo nomoita tulung hi Belento,
mian anu monsampobali' mae mopalaimo,
kalana ku sumbu' Tumpu nontinjohimo mae aku.
11Aku mompuji'mo Tumpu,
kalana apaa na anu jinanji'Nyomo.
12Aku palesayamo hi Ia, sahingga aku madi'mo mabuhuk,
manusia madi' moko ala mombau apa-apaa hi belengku.
13Aku mombaumo apaa na anu jinanji'kumo hi Belento o, Tumpu
ka' monsombahkonmo koloban bau pontalima kaseh hi Belento.
14Kalana Belento nonjagaimo aku da madi' sinilaka,
jinaganmo nu Belento na aku da madi' tinombahangkang.
Sahingga aku tinumuu'mo kalana Tumpu na nonjagai mae,
i uno nu jingka anu nonjingkaimo iwi-iwi' na anu tutuu'.
Currently Selected:
MAZMUR 56: LAILOE
Highlight
Copy
Compare
Share
Want to have your highlights saved across all your devices? Sign up or sign in
