MAZMUR 54
54
Do'a mongkakase da ojagai mae
1Anu mongkapalai panyanyi. Kinuti'akon kasapi'. Nyanyian pangajalan i Daud, 2#1Sam. 23:19, 26:1 salatan mian nu aha Sif tinokamo mae nompoto'i hi Saul, “I Daud naninsulukmo hi kami.”
3O Tumpu posalamatakon mae na aku nu kuasa nu Belento,
bee'i mae ka adinan hi belengku ka kahosonan nu Belento.
4Potombihingakon mae na anu ku kakase aiya o Tumpu
de timbali sanang mae ahi' na mompalahatikan potataengku.
5Kalana mian anu isalipu'an mae mambamo mae montumbuhi aku,
miana anu takabun kahanda'mo mompatei mae aku,
aha madi' mompajuli Tumpu.
6Panyo Tumpu atina'mo na anu montulungi mae aku;
Tumpu na montinjohi mae aku.
7Ia na mohukumo anu monsampobali' mae aku; nu posi palabuatan nu aha ma'i-ma'idek aijo'mo na mohukum aha,
ka' mompatei aha kalana Ia manonong mae ahi' hi belengku.
8Sanang na kinyonyoangku monsombahkon koloban hi Belento,
ka' montalima kaseh hi Belento, kalana Belento ma'ima' mae hi belengku o Tumpu.
9Belento nompobebasmo aku da madi'mo mongoa'i iwi-iwi' na kasusa'an,
ka' tinoangkumo na sampobali'ku pinatundu'mo.
Currently Selected:
MAZMUR 54: LAILOE
Highlight
Copy
Compare
Share
Want to have your highlights saved across all your devices? Sign up or sign in
