MAZMUR 148
148
Langit ka' tano', opuji' na Tumpu!
1Opuji' na Tumpu!
Opuji' na Tumpu, o isi iwi-iwi' na suluga'!
Iwi-iwi' na anu jojoong i tampat anu matangkas opuji' na Ia!
2Opuji' na Ia, o, iwi-iwi' na malaekat-Nyo,
opuji' na Ia o iwi-iwi' na suludadu nu suluga'!
3Opuji' na Ia, o batu nu sinaa ka' bitu'on,
opuji' na Ia, o to manda-mandala' anu lewa'jongkilaban.
4Opuji' na Ia,
Opuji' na Ia, o uee anu aita' i langit!
5Tionyo ahi' aha iwi-iwi' mompuji' sanggo nu Tumpu,
kalana iwi-iwi' pinotimbalimo nu palentah-Nyo.
6Ia na nontantukanmo tampatnyo toto sa'angu',
palentah-Nyo sabole-boleh opake sampe toka sidu-sidutu'.
7Opuji' na Tumpu, o isi iwi-iwi' na dunia,
o iwi-iwi' na ulo toto daka-daka' i ambai ka' songko songko na ndalangon;
8o kilat ka' ujan eis, ujan batu ka' kundom,
baleba' anu makansang hondo anu pinalentahmo nu Tumpu!
9Opuji na Ia, o puge'nyo iwi-iwi' ka' bungkutnyo iwi-iwi',
to kau-kau' anu mimbua' okaan ka' songko-songko na alas;
10iwi-iwi' na potuu'on ka' binatang anu ma'ela',
iwi-iwi' na binatang anu jumolo ka' to tomo-tomonsi'!
11Opuji' na Ia, o to tomu-tomundo' ka' iwi-iwi' na bansa,
to mia-mian daka' ka' anu ko kakuasa'an;
12iwi-iwi' na to oli-olitau ka' to lalangkoyang,
mian anu motu'amo ka' anu ma'isa motu'a.
13Tionyo ahi' aha iwi-iwi' mompuji' sanggo nu Tumpu,
kalana sanggo-Nyo lebe talasanggo molingkudui iwi-iwi' na sanggo;
katalasanggoan-Nyo lebe matangkas molingkudui langit ka' tano'.
14Ia nompohosonmo bansa-Nyo,
sahingga Ia lewa'mo nupuji' nu mian anu pinalesayamo hi Ia,
Israel, mian anu nu kalibosi.
Opuji' na Tumpu!
Currently Selected:
MAZMUR 148: LAILOE
Highlight
Copy
Compare
Share
Want to have your highlights saved across all your devices? Sign up or sign in
