MAZMUR 149
149
Nyanyian bau pompuji'
1Opuji' na Tumpu!
Nyanyiakon na nyanyian anu sala'je ingajan bau pompuji' Tumpu,
opuji' na Ia, ikasintomuan nu mian anu palesayamo hi Ia!
2Balame-lame'mo, o Israel kalana Ia na anu nompotimbalimo beleyum;
bila-bilahimo, o mian anu jojoong i Sion kalana tomundo' nu beleyum!
3Opuji' na sanggo-Nyo ka' ponsalelei,
opuji' na Ia ka' okuti'akon kasapi' ka' ohapa'i na gandang!
4Tumpu mongka'ima'i hondo mian anu palesayamo hi Ia;
Ia mombee'i ka'untungan mahampate hi mian anu madi' buulon.
5Bakas da mian anu palesayamo hi Tumpu balame-lame' kalana kakaya'an-Nyo,
ka' manyanyi sampahu na lewa' bilahi.
6Bakas da aha mompuji' Tumpu, otaloakon linsi-linsingan,
ka' montoongi bajak anu binoitmo
7bau pombalosi to bansa-bansa,
ka' pohukum tulunan nu to bansa-bansa;
8da opungu na to tomu-tomundo'
ka' bau polante' to mia-mian anu mongkuasai aha;
9da ohukumo na to bansa-bansa kalana palentah nu Tumpu.
Aijo'mo na ka'untungan nahampate na mian anu Nu kalibosi.
O puji' na Tumpu!
Currently Selected:
MAZMUR 149: LAILOE
Highlight
Copy
Compare
Share
Want to have your highlights saved across all your devices? Sign up or sign in
