MAZMUR 147
147
Pompuji Tumpu Anu Daka' na Kuasanyo
1Opuji' na Tumpu!
Kalana lebe ma'ima' mompuji' Ia,
ka' momposanang de monyanyiakonmo bau pompuji' ia!
2Tumpu po'ule'mo mompotinjo Yerusalem;
to mia-mian anu i hakop ka' binoamo, po'ule'mo Nu sule'akon mae.
3Ia nompa'alinmo mian anu madi'mo ko anu opitaha-taha'imani,
ka' mombobodimo iwi-iwi na bela nu aha.
4Ia na montantukan konjoo'nyo nu binatang aita' i langa,
ka' toto sa'angu' binee'annyomo sanggo.
5Daka' hondo na kuasa ka' opalias hondo na Tumpunto,
kapandean-Nyo talalo hondo manjoo'.
6Ia mohangkat mian anu pinosakisamo
panyo mian anu ma'idek na kinyonyoanyo Nu lumbu'akonmo i tano'.
7Nyanyiakon na nyanyian pompuji-puji' Tumpu,
pahaikakon na kasapi' bau pompuji' Tumpunto.
8Iamo na nompobi kundom aita' i langit;
Iamo na nompotouka ujan pongujani tano',
ka' nompotumuu' hemput i puge'nyo.
9Ia na nombee'i anu okaan binatang,
ka' hi soma' nu papaa' anu lewa'mo molokes molio tinanyo.
10Anu nuka'ima'i nu Tumpu misa' ajahan anu mahoson;
ka' misa' mule' ahi' suludadu anu baani.
11Tumpu sanang hi mian anu tulu-tulutan,
hi mian anu sabole-boleh montaha'imani kalibosan-Nyo mae.
12Opuji' na Tumpu o Yerusalem!
Opuji' na Tumpu Allah nu beleyum o Sion!
13Kalana Ia nompohosonmo iwi-iwi' na sabatan daka' nu beleyum,
ka' mombalakatimo mian anu jinojoongmo hi beleyum.
14Ia na monjagai da'erah nu beleyum da sabole-boleh madi' ko anu mompoposia,
ka' momposanangmo beleyum nu gandum anu ma'ima' hondo.
15Ia nompalentahmo tano',
ka' potatae-Nyo sampa olakukan.
16Ia montudunakonmo mae ujan batu susumo kabu-kabung,
ka' mongkakambuhakonmo mae dondu'ok anu tinobengmo susumo abu'.
17Ia montudunakonmo mae ujan eis susumo bone';
madi' ko anu moko ala montahan bakinnyo.
18Lantas kalana palentah-Nyo eis aijo' na timbalimo uee;
Ia nompuhakonmo mombun sahingga uee no'ilimo.
19Ia nompotokamo potuunon-Nyo hi mian anu pinalesayamo hi Ia,
palentah ka' atulan-Nyo hi mian anu pinile'an-Nyomo.
20Ia madi' nombau susumo aijo' hi bansa-bansa sangga'at,
aha madi' monsumbu' iwi-iwi' na atulan-Nyo.
Opuji' na Tumpu!
Currently Selected:
MAZMUR 147: LAILOE
Highlight
Copy
Compare
Share
Want to have your highlights saved across all your devices? Sign up or sign in
