MAZMUR 146
146
Pompuji' Tumpu anu momposalamat
1Opuji' na Tumpu!
O santuu'ku, opuji' na Tumpu!
2Aku mompuji'mo Tumpu i uno nu kantumuu'anku,
ka' ku nyanyiakon hi Tumpungku de aku daagi' tutuu'.
3Boli montaha'imani anu ko kakuasa'an,
hi mian anu madi' moko ala momposalamat.
4De aha silakamo, aha minsusule'mo i tano';
sinaa' aijo' suele iwi-iwi' na tanga'an nu aha madi'mo daagi'.
5Mohumpak kantumuu'an ma'ima' na mian anu talalo hondo montaha'imani Tumpu-nyo,
ka' ko Tumpu i Yakub salaku anu montulungi ia.
6 #
Kis. 4:24, 14:15 Iamo na nompotimbali langit tiba tano',
ambai tiba iwi-iwi' na isinyo;
Ia saja' manonong sampetoka sidu-sidutu'.
7Ia na montinjohi hak nu to mia-mian anu pinosakisamo
ka' mombee'i mongkaan mian anu no'ohopmo.
Tumpu mompobebasmo to mia-mian anu tinalungku'mo,
8ka' mian anu mapisok opo'alinmo sahingga moko alamo montoa.
Ia na mohangkat mian anu tinohumpukmo,
ka' mongkalibosi mian anu hodi' na kinyonyoanyo.
9Ia na monjagai to mia-mian anu lengkat mae i salipu'an;
Ia na montulungi to balu-balu ka' anu ingunonmo madi'mo ko tinanyo ka' tuumanyo,
panyo nohungku'imo tanga'an nu mian anu ma'idek na kinyonyoanyo.
10Tumpu aijo' Tomundo' sampe toka sidu-sidutu'.
O Sion, Tumpu nu beleyum balakuasa mo'atu-atuan nu taun.
Opuji' na Tumpu!
Currently Selected:
MAZMUR 146: LAILOE
Highlight
Copy
Compare
Share
Want to have your highlights saved across all your devices? Sign up or sign in
