MAZMUR 142
142
Do'a mongkakase da otulungi mae
1 #
1Sam. 22:1, 24:3 Nyanyian pangajalan i Daud, tempo'nyo ia i uno nu liang.
2Dinaka-daka'ankumo hondo na nongkakase hi Tumpu;
pinantilan hondo na aku nongkakase da Nu tulungi mae.
3I ahop-Nyo pinoto'ingkumo na kasusa'anku,
pinoto'ingkumo na kasusa'anku iwi-iwi' hi Ia.
4Tempo'nyo me ise-ise' madi'mo ko anu ku taha'imani,
sinumbu'mo nu Belento apaa na anu tionyo ahi' ku bau.
I jalan anu tionyo ahi' ku tului,
anu monsampobali' mae hoko-hokot nompokonamo so'o bau pohakop aku.
5Salatan aku nosiloi i sohipi'ku,
madi' aku nontoa anu montulungi mae aku.
Madi' ko anu monjagai mae aku,
kabai anu mompalahatikan mae butongku.
6Aku mongkakase hi Belento, O, Tumpu,
Belentomo na tampat bau pihohunganku,
olamo Belento na anu ku palalui i uno nu kantumuu'anku aiya.
7Palahatikan mae na anu ku kakase
kalana aku sinansalamo hondo.
Posalamatakon mae na aku da madi' nupoposia nu to mia-mian anu monsampobali' mae aku,
kalana aha na talalo mahoson mohungku'i aku.
8Pobebasakon mae na aku da madi' otalungku'
sahingga i kasikumpunan nu mian anu pinalesayamo hi Belento,
ku puji'mo na sanggo nu Belento,
kalana Belento manonong mae hi ayu.
Currently Selected:
MAZMUR 142: LAILOE
Highlight
Copy
Compare
Share
Want to have your highlights saved across all your devices? Sign up or sign in
