MAZMUR 141
141
Do'a de pihimo
1Mazmur i Daud.
Aku mongkakase hi Belento, o, Tumpu,
lia-lia' tulungiakon mae na aku!
Potombihingakon mae na aku de aku mongkakase momoita tulung hi Belento.
2 #
Why. 5:8
Talimakon na do'angku susumo kamangian anu sinombahkonmo,
ka' limangku anu pinotalamo susumo anu kinolobanakonmo pihi-pihi.
3O, Tumpu jagaiakon mae na nganga'ku
ka' mule' jagaiakon mae na biwingku.
4Pojo'onakon mae na aku da madi' ko kahanda' mombau anu ma'idek.
Boli opojohok na aku maninggalum tiba mian anu palaganta ka' mongkaanmo hingga-hinggat i bau-bauon nu aha.
5De mian anu manonong mompokinde'i mae aku,
ka' madi' tageo' na kinyonyoa mondoke mae aku,
aijo' sumomo lanya' anu talalo hondo ma'ima' hi belengku.
O'amalakon da aku montalima ahi',
kalana aku saja' balado'a madi' montalima aha. Palabuatan ma'idek nu aha.
6De to mia-mian anu mongkuasai aha
otuamo i to tunge-tungebe nu batu, nu akuije nu aha taalu' apa-apaa na anu tinaloakonkumo memang totu'u ahi'.
7Bukunto iwi-iwi' opaha taumo i sohipi' nu kubulan
sumomo batu anu nahutemo i tano'.
8Panyo aku sabole-boleh montaha'imani Belento, o, Tumpungku,
boli opojohok na aku silaka, kalana aku mihohung mo hi Belento.
9Jagaiakon mae na aku da madi' nukona nu so'o anu pinokona pohakop aku,
nu talong nu mian haha aijo' anu ma'idek na kinyonyoanyo.
10Bakas da posi so'o nu aha na mongkona aha,
panyo o' amalakon da aku na salamat ahi'.
Currently Selected:
MAZMUR 141: LAILOE
Highlight
Copy
Compare
Share
Want to have your highlights saved across all your devices? Sign up or sign in
