MAZMUR 138
138
Do'a montalima kaseh
1Lengkat hi Daud.
O, Tumpu, aku montalima kasemo hi Belento,
lengkat i kinyonyoangku totu-totu'u.
I ahop nu iwi-iwi na to pilo-pilogot
aku monyanyimo bau pompuji' Belento.
2Aku tinolodadupumo monsombahmo mo'ahop sasu i Laigan nu Belento anu susi',
ka' nompuji'mo sanggo nu Belento
kalana Belento manonong ka' saja' mongkalibosi.
Belento talalo hondo mompentingkan anu jinanji'mo nu Belento
molingkudui pikilan nu mian anu montutuhakon Belento.
3Salatan aku nongkakasemo hi Belento, Belento nontaamimo mae,
pinohosonmo nu Belento na kinyonyoangku sahingga aku binaanimo.
4Iwi-iwi' na tomundo' i dunia aiya mompuji'mo Belento, O, Tumpu,
kalana aha nohongomo anu jinanji'mo nu Belento.
5Aha monyanyiakonmo anu pinojadimo nu Belento
ka' katalasanggoan nu Belento anu daka' hondo.
6Belento talalo hondo susi'
panyo anu madi' talakana' Nu palahatikan ahi';
mian anu kobubuun madi' moko ala maninsuluk da madi' Nu toa.
7Tempo'nyo aku tinokanmo nu kasusa'an
Belento na sabole-boleh nontoongi kantumuu'anku.
Belento na nongewa anu monsampobali' mae aku anu notomuhukmo
ka' pinosalamatmo nu Belento na aku nu kuasa nu Belento.
8Belento mongganapimo anu jinanji'mo nu Belento hi belengku
boli belenti na mongatun mae mian anu palesayamo hi Belento.
Currently Selected:
MAZMUR 138: LAILOE
Highlight
Copy
Compare
Share
Want to have your highlights saved across all your devices? Sign up or sign in
