MAZMUR 137
137
Lewa'mo humang isonibi nu kaunyo anu kiijo' i Babel
1I sonibi nu kaunyo anu kiijo' i Babel
kami sumuhangmo ka' lewa'mo humang de monginau'mo Sion.
2I kau' gandarusa anu i lipu' aijo'
opokalayo'mo mami na kasapi' mami.
3To mia-mian anu nohakop ka' nomboamo kami
nompokaumo kami manyanyi da nuhongo nu aha.
To mia-mian anu nonsansalamo kami
nompokaumo kami da monyanyiakon lagu anu toto lame-lame'
“Nyanyiakon mae hi kami na lagu anu toto lame-lame' lengkat mae i Sion!”
4Pa' timbali na i lipu' nu mian
kami monyanyiakon hi Tumpu?
5Bakas da aku madi'mo daagi' timbali manyanyi
de aku mongkolilimimo beleyum Yerusalem!
6Bakas da aku madi'mo daagi' timbali manyanyi
de aku mongkolilimimo beleyum ka' misa'mo beleyum na anu ku kalame'akon!
7O, Tumpu, o'inau' apaa na anu binaumo nu mian Edom
tempo'nyo Yerusalem i hopu'anmo.
Tinaloakonmo nu aha, “Hobo'akonmo,
hobo'akonmo toka-toka i pinaningkokoannyo!”
8 #
Why. 18:6
O Babel, beleyum opateimo!
Mohumpak kantumuu'an ma'ima' na mian anu mombalosakonmo beleyum
palabuatan ma'idek anu binaumo nu beleyum hi kami.
9Mohumpak kantumuu'an ma'ima' na mian
anu nongalamo to bunga-bungamea' nu beleyum
ka' nongalinmo nokiita' i puge'nyo nu batu!
Currently Selected:
MAZMUR 137: LAILOE
Highlight
Copy
Compare
Share
Want to have your highlights saved across all your devices? Sign up or sign in
