MAZMUR 136
136
Nyanyian montalima kaseh
1 #
1Taw. 16:34, 2Taw. 5:13, 7:3, Ezr. 3:11, Mzm. 100:4-5, 106:1, 107:1, 118:1, Yer. 33:11 Pontalima kaseh hi Tumpu kalana Ia manonong;
kalibosan-Nyo sampe toka sidu-sidutu'.
2Pontalima kaseh hi Tumpu Anu Matangkas na Kuasanyo;
kalibosan-Nyo sampe toka sidu-sidutu'.
3Pontalima kaseh hi Tumpu Anu Daka' na Kuasanyo;
kalibosan-Nyo sampe toka sidu-sidutu'.
4Ola Ia na anu nombaumo han anu okabangangi toto daka-daka';
kalibosan-Nyo sampe toka sidu-sidutu'.
5 #
Kej. 1:1-2
Kalana kapandean-Nyo Ia nompotimbalimo langit;
kalibosan-Nyo sampe toka sidu-sidutu'.
6Ia nompokabamo tano' i bawo nu uee,
kalibosan-Nyo sampe toka sidu-sidutu'.
7 #
Kej. 1:16
Ia nombaumo anu monjingkai mae aita' i langit;
kalibosan-Nyo sampe toka sidu-sidutu';
8batu nu sinaa da mongkuasai sinaa;
kalibosan-Nyo sampe toka sidu-sidutu';
9bitu'on ka' mandala' na mongkuasai pihi;
kalibosan-Nyo sampe toka sidu-sidutu'.
10 #
Kel. 12:29
Pinatean-Nyo na to ana-anak tumpe nu Mesir,
kalibosan-Nyo sampe toka sidu-sidutu'.
11 #
Kel. 12:51
Israel sinabatakon-Nyo lengkat mae i Mesir;
kalibosan-Nyo sampe toka sidu-sidutu';
12kalana lima mahoson ka' baani;
kalibosan-Nyo sampe toka sidu-sidutu'.
13 #
Kel. 14:21-29
Ambai Gelagah biniha'-Nyo;
kalibosan-Nyo sampe toka sidu-sidutu';
14Israel mian anu pinalesayamo hi Ia tinapakon-Nyomo nokiijo' i santoanyo;
kalibosan-Nyo sampe toka sidu-sidutu'.
15Panyo tomundo' nu Mesir tiba suludadunyo i lomosan-Nyomo;
kalibosan-Nyo sampe toka sidu-sidutu.
16I laya'-Nyomo na mian anu pinalesayamo hi Ia notulu i tampat padang anu mateges;
kalibosannyo sampe toka sidu-sidutu'.
17Pinatundu'Nyo na to tomu-tomundo' anu toto babaani;
kalibosan-Nyo sampe toka sidu-sidutu';
18pinatean-Nyo na to tomu-tomundo' anu talasanggo;
kalibosan-Nyo sampe toka sidu-sidutu'.
19 #
Bil. 21:21-30
Sihon tomundo' nu Amori;
kalibosan-Nyo sampe toka sidu-sidutu';
20 #
Bil. 21:31-35
ka' og tomundo' nu Basan;
kalibosan-Nyo sampe toka sidu-sidutu'.
21Lipu' nu aha binee'Nyomo hi mian anu pinalesayamo hi Ia;
kalibosan-Nyo sampe toka sidu-sidutu';
22ahamo Israel posaihon-Nyo, na tumpunyo;
kalibosan-Nyo sampe toka sidu-sidutu.
23Ia madi' mongkolilimi kita, tempo'nyo kita pinatundu'mo;
kalibosan-Nyo sampe toka sidu-sidutu'.
24Pinobebas-Nyomo na kita da boli nu patei nu mian anu monsampobali' mae;
kalibosan-Nyo sampe toka sidu-sidutu.
25Batu-batu anu ko nyawanyo Nu bee'i mongkaan,
kalibosan-Nyo sampe toka sidu-sidutu.
26Pontalima kaseh hi Tumpu anu mongkuasai langit;
kalibosan-Nyo sampe toka sidu-sidutu'.
Currently Selected:
MAZMUR 136: LAILOE
Highlight
Copy
Compare
Share
Want to have your highlights saved across all your devices? Sign up or sign in
