MAZMUR 135
135
Lagu bau pompuji'
1O puji' na Tumpu.
O puji' na sanggo nu Tumpu,
o belemiu to posa-osaihon-Nyo
2anu monsombah i Laigan nu Tumpu
i kajojoongan nu Tumpu-nto.
3O puji' na Tumpu, kalana Ia manonong,
o puji' na sanggo-Nyo, kalana Ia madi'.
4Ia nompile'imo i Yakub da nu pake i kapentingan-Nyo,
mian nu Israel pinotimbali-Nyomo Ia na tumpunyo.
5Kalana ku sumbu' Tumpu talalo daka' na kuasa-Nyo,
Ia talasanggo hondo molingkudui iwi-iwi na pilogot.
6Ia molakukan apaa na anu nu kahanda'i,
i langit ka' i tano'
i ambai ka' i ndalangon anu maleeng hondo.
7Lengkat mae i puus nu tano' Ia nompotokamo mae kundom,
pinokilaton-Nyomo de tudun na ujan.
Lantas Ia nompalentahmo mombun
da mosabat mae i tampat pinompo'una'an-Nyo.
8Kiijo' mae i Mesir pinatean-Nyomo na anak tumpe iwi-iwi'
anak nu manusia kabai binatang.
9Kiijo' mae Ia nombaumo manjoo' na anu okabangangi ka' tanda
bau pohukum tomundo' ka' iwi-iwi' na pagawe-Nyo.
10Ia nompateimo manjoo' hondo na bansa,
ka' nompateimo to tomu-tomundo' anu toto babaani.
11Sihon tomundo' nu Amori ka' Og tomundo' nu Basan,
tiba iwi-iwi' na tomundo' i Kana'an.
12Lantas lipu' nu aha binee'Nyomo
tinimbalimo anu nu Israel, mian anu pinalesayamo hi Ia.
13O, Tumpu, belento sabole-bolehmo obebakon,
ka' sanggo nu belento, iwi-iwi' na lee' nu mian monginau'
14kalana belento mombee'i ka'adilan hi mian anu palesayamo hi belento,
ka' mongkalibosi to posa-posaihon nu belento.
15 #
Mzm. 115:4-8, Why. 9:20 Pilogot nu aha mosoni' ka' salaka na tinutuk,
lima nu mian na nombau.
16Aha ko nganga'nyo, panyo madi' moko ala motatae,
ko matanyo, panyo madi' moko ala montoa.
17Aha ko bihingnyo, panyo madi' moko ala mohongo,
madi' ko sawonyo lengkat mae i nganga'nyo.
18O'amalakon da sumo aijo'mo na uki' nu to mia-mian anu nombaumo ia
ka' anu pinalesayamo hi ia.
19O puji' na Tumpu o mian nu Israel,
O puji' na Ia, o to ima-imam nu Tumpu!
20O puji' na Tumpu, o to mia-mian nu Lewi,
o puji' na Ia, belemiu iwi-iwi' anu tulu-tulutan hi Allah Tumpu.
21O puji' na Tumpu kiijo' i Sion
i Yerusalem tampat kajojoongan-Nyo.
O puji' na Tumpu!
Currently Selected:
MAZMUR 135: LAILOE
Highlight
Copy
Compare
Share
Want to have your highlights saved across all your devices? Sign up or sign in
