MAZMUR 112
112
Kantumuu'an ma'ima' nu mian anu manonong
1O puji' na Tumpu.
Mohumpak ka'ima'an na mian anu tulu-tulutan,
anu mongka'ima'i iwi-iwi' na palentah nu Tumpu.
2To ana-anaknyo na mongkuasaije lipu' aiya,
lee' nu mian anu manonong obalakati.
3Aha sa'anakan kayamo ka' madi'mo susa',
ka' ia sanangmo na kantumuu'annyo sampe toka sidu-sidutu'.
4Jingka monjingkaimo i uno nu pikat kona hi mian anu hodi' na kinyonyoanyo,
kona hi mian anu adin, pangkalibosi ka' manonong.
5Mohumpak ka'ima'an na mian anu manonong ka' sanang na monsaboli
ka' madi' tageo' i uno nu iwi-iwi na ulusan.
6Mian anu manonong saja' nu humpak na anu nu kahanda'i;
ia saja' o inau' sampe toka sidu-sidutu'.
7Ia madi' mabuhuk na mohumpak lele anu ma'idek,
kinyonyoanyo mahoson kalana palesaya hi Tumpu.
8Ia madi' bata-bata kabai mabuhuk,
kalana nu palesaya hondo sampobali'nyo tionyo nu patundu'.
9 #
2Kor. 9:9
Ia mombagi-bagiakon halata'nyo,
ka' mombee'i apa-apaa hi mian anu kasiasi;
ia saja' mombau anu ma'ima',
kalana aijo' ia balakuasa ka' oholomati.
10Mian anu ma'idek na kinyonyoanyo montoa ia, lantas motambuha'mo;
bese' nu aha koyokobanmo kalana mongka'idekimo.
Lantas aha silakamo;
anu nu ima-imani nu aha madi'mo nu humpak nu aha sampe toka sidu-sidutu'.
Currently Selected:
MAZMUR 112: LAILOE
Highlight
Copy
Compare
Share
Want to have your highlights saved across all your devices? Sign up or sign in
