MAZMUR 113
113
Pumpuji' kanonongan nu Tumpu
1O, puji' na Tumpu!
O to posa-posaihon nu Tumpu,
o, puji' na sanggo nu Tumpu.
2Sanggonyo obebakonmo
uuka aiya ka' sansina-sinaa.
3Lengkat mae i kabete'an toka-toka i kinsoban
sanggo nu Tumpu tionyo ahi' o puji'.
4Tumpu balakuasa hi iwi-iwi na bansa,
katalasanggoan-Nyo moliu-liu langit.
5Ihe na sumo Tumpunto?
Ia mompalentah aita' mae i tampat anu matangkas.
6Panyo Ia maninduku mae na kahanda'
montoa langit tiba tano'.
7Mian anu kasiasi aijo' i abu' i hangkat-Nyomo,
ka' suele mian anu loloison anu aijo' i tano'.
8Aha pinosuhang-Nyomo hingga-hinggat tiba anu balakuasa,
hingga-hinggat tiba to mia-mian daka' anu aijo' hi aha mian anu palesayamo hi Ia.
9Ia nombalakati bengkele' anu lengke'mo da nohumpak to pia-piangkuka na anak,
ka' nompotimbalimo ia totina anu nohumpakmo ka'ima'an ka' oholomati i laigannyo.
O puji' na Tumpu!
Currently Selected:
MAZMUR 113: LAILOE
Highlight
Copy
Compare
Share
Want to have your highlights saved across all your devices? Sign up or sign in
