MAZMUR 108
108
Do'a momoita tulung da boli mae ko anu monsampobali'
(Mzm. 57:7-11, 60:5-12)
1Nyanyian Mazmur i Daud.
2 # Mzm. 57:8-12 Palesaya totu-totu'u hondo na aku, o, Tumpu,
aku manyanyimo ka' mompuji'mo Belento.
3Pobulamo, o santuu'ku!
Pobulamo, o gambus tiba kasapi!
Aku molikomo jingkahang nu sinaa.
4O, Tumpu aku montalimakasemo hi-Belento
aijo' hi aha to bansa-bansa.
Aku kahanda monyanyi mompuji Belento
i tonga' nu mian. 5Kalana kalibosan nu-Belento daka' hondo toka-tokamo aita' mae i langit,
ka' kanonongan nu-Belento toka-tokamo aita' mae i kundom.
6O, Tumpu, potoa mae na katalasanggoan nu-Belento aita' mae i langit,
ka' kadaka'an nu sanggo nu-Belento i songko-songko na dunia.
7 # Mzm. 60:7-14 Posalamatakon mae na kami nu kakuasa'an nu-Belento, taamiakon mae na do'a mami,
da to mia-mian anu nukalibosi nu-Belento mohumpak kasalamatan.
8Kiita' mae i kajojoongan-Nyo anu susi' Tumpu notataemo mae,
“Aku montaligalaimo ka' mombagi-bagiakonmo tano' nu Sikhem,
Bangka'nyo nu Sukot Ku buangakonmo onde.
9I Gilead ka' i Manasye Aku na tumpunyo,
i Efraim baumo topi wajang-Ku,
ka' i Yehuda baumo tokon nu kalaja'an-Ku;
10Panyo Moab baumo tampat pombaso'ian-Ku tengke;
Aku montaligalaimo kalana nompatundu'mo Filistea.
Hi aha Edom Ku lumbu'akonmo mokiijo' na sapatung-Ku,
salaku bau pontandai saba' ia anung-Kumo.”
11Ihe na momboa aku mamba mokiijo' i Edom?
Ihe na molaya' aku mamba mokiijo' i kota' anu ko bentengnyo aijo'?
12O, Tumpu, pa' madi' mamba na Belento hingga-hinggat tiba kami?
Pa' madi' mamba na Belento hingga-hinggat tiba suludadu mami?
13Tulungiakon mae na kami da boli mae ko anu monsampobali',
kalana de ola mian na montulungi mae madi' ko gunanyo.
14De tiba Tumpu, kita timbali baani ka' mahoson;
Iamo na anu mompatundu' anu monsampobali' mae kita.
Currently Selected:
MAZMUR 108: LAILOE
Highlight
Copy
Compare
Share
Want to have your highlights saved across all your devices? Sign up or sign in
