MAZMUR 106
106
Tumpu mongkanonongi mian anu palesayamo hi Ia
1 #
1Taw. 16:34, 2Taw. 5:13, 7:3, Ezr. 3:11, Mzm. 100:4-5, 107:1, 118:1, 136:1, Yer. 33:11 O puji' na Tumpu!
Montalima kaseh hi Tumpu, kalana ia manonong;
kalibosannyo madi' kokamingkotannyo sampe toka sidu-sidutu'.
2Ihe na moko ala mombebakon kabaanian nu Tumpu,
ka' anu konanyomo ahi' na bau pompuji' ia?
3Mohumpak ka'ima'an na mian anu montuluti totu-totu'u palentahnyo iwi-iwi',
ka' saja' totu'u na anu, nu bau.
4Inau'akon mae na aku, O, Tumpu, kalana Belento mongkanonongi mian anu palesayamo hi Belento,
tulungiakon mae suele mule' na aku,
de Belento momposalamatmo aha.
5O' amalakon da aku montoa kasanangan nu kantumuu'an, nu to mia-mian anu pinile'anmo nu Belento,
ka' suele lame' tiba to mia-mian anu ninsoopmo Belento na tumpunyo.
6Kami binaladosa'mo susumo mompolee' mami;
kami nombaumo gau' anu ma'idek ka' pinalagantamo.
7 #
Kel. 14:10-12
Tempo'nyo kiijo' mae i Mesir mompolee' mami madi' mangalati';
kalaja nu Belento anu talalo hondo okabangangi, madi' nusumbu' nu aha.
Kinolilimanmo nu aha na kalibosan nu Belento anu nolabi-labimo,
ka' anu koko Ambai Gelagah,
aha notomuhukmo hi Anu Matangkas na Kuasanyo.
8Panyo pinosalamatmo nu Tumpu na aha
kalana kapentingan nu butong-Nyo,
da kabaanian-Nyo oponyata'mo.
9 #
Kel. 14:21-31
Kalana palentah-Nyo Ambai Gelagah no'otimo,
Ia nomboamo mian anu palesayamo hi Ia i lumajang nontulu ambai,
sumomo nontulu i tampat padang anu mateges na tano'nyo.
10Tiba jalan anu susumo aijo', Ia nomposalamatmo aha da madi' pinatean nu mian anu mongewa aha,
pinobebas-Nyomo na aha da madi'mo kinuasan nu mian anu monsampobali'.
11Panyo ambai nolomosimo anu mongewa aha;
mau pe'e ola samian madi' ko anu tinontuha'.
12 #
Kel. 15:1-21
Lantas mian pinalesayamo hi apaa na anu jinanji'-Nyomo,
ka' nonyanyimo nyanyian anu bau pompuji' Ia.
13Panyo aha sampa hondo mongkolilimi apaa na anu binaumo nu Tumpu
ka' nombau apa-apaa madi'mo pilenje momoita pokinde' anu lengkat mae hi Ia.
14 #
Bil. 11:4-34
I tampat padang anu mateges na tano'nyo aha sinuha'mo nu napisu,
sahingga nonsobaimo Tumpu.
15Ia nombee'mo apaa na anu pinoitamo nu aha,
panyo suele panyakit anu molele nongkonamo aha.
16 #
Bil. 16:1-35
I tampat padang anu mateges na tano'nyo aijo' aha pinusamo hi Musa,
ka' hi Harun posaihonNyo anu susi' aijo'.
17Lantas tano' nobiha'mo nolonyomo i Datan,
nontambunimo i Abiram ka' aha sa'anakan.
18Apu na nintatau' mae nompapui gombuan nu aha,
nontoyo'imo aha iwi-iwi' anu pinalagantamo.
19 #
Kel. 32:1-14
I Bungkutnyo nu Sinai aha nonsuangmo mosoni' binau susumo anak nu sapi',
ka' nonsombahmo patong anu sinuangmo aijo'.
20Aha nontolosimo Tumpu anu talasanggo
nu patong susumo sapi' anu ola mongkaan hemput.
21Aha nongkolilimimo Tumpu anu nomposalamatmo aha,
anu nombaumo hahan anu daka' hondo tempo'nyo kiijo' mae i Mesir.
22Opalias hondo na anu binau-Nyomo i lipu' aijo',
okabangangi hondo na anu binaunyomo i Ambai Gelagah.
23Sahingga Tumpu kinoniatmo da opateimo na mian anu palesayamo hi Ia,
panyo tinewa'mo i Musa mian anu pinile'an-Nyomo aijo'.
I Musa na nombisalai aha poti-potimbiha',
sahingga Tumpu madi'mo pinusa.
24 #
Bil. 14:1-35
Lapas mae aha madi'mo nongka'ima'i lipu' anu ma'ima'an hondo aijo',
kalana madi'mo pinalesaya hi janji' nu Tumpu.
25Aha lewa'mo nongonguyung motusa' i uno nu kemah nu aha,
ka' madi'mo mongka'oho' mohongo potatae nu Tumpu.
26Sahingga binasumpa'mo na Ia ka' binajanji'mo,
mompateimo aha i tampat padang anu mateges na tano'nyo aijo'.
27 #
Im. 26:33
Lee' nu aha oboamo i lipu' nu to bansa-bansa sangga'at,
ka' oga'a-ga'atakonmo mamba oboa i lipu' nu mian anu i salipu'an.
28 #
Bil. 25:1-13
Lapas mae salatan aha kiijo'mo mae i Peor, nonsombahmo Baal,
ka' nongkaanmo anu sinombahkonmo hi to pilo-pilogot.
29Han anu binaumo nu aha aijo' nonsaduakonmo da Tumpu notambuha',
sahingga aha kinonamo nu panyakit anu molele anu okabuhuk hondo.
30Panyo i Pinehas nombee'imo hukuman hi aha anu nombaumo kasala'an,
sahingga madi'mo nolele na panyakit aijo'.
31Han anu binaunyomo aijo' inganggapmo salaku kalaja anu daka' na alati'nyo i butongnyo,
ka' sabole-boleh o'inau' sampe toka sidu-sidutu'.
32 #
Bil. 20:2-13
I bubung iwi-iwi' kiijo' i Meriba aha nonsaduakonmo da Tumpu notambuha',
ka' kalana gau' nu aha sahingga nomposusa'mo i Musa.
33Aha nonsaduakonmo da kinyonyoanyo nojojo'mo
sahingga ia notatae, madi'mo pinai tutugannyo.
34 #
Hak. 2:1-3, 3:5-6 To bansa-bansa sangga'at madi'mo pinatean nu aha ingko-ingkot,
susumo anu pinalentahkonmo nu Tumpu.
35Pakalaus aha mule' no'osoamo tiba to bansa-bansa sangga'at haha aijo',
ka' aha nontihomo kabiasa'an nu mian anu madi' monsumbu' Tumpu.
36Lantas aha nonsombahmo to pilo-pilogot
ka' aijo'mo na nonsaduakon sanggo nu aha madi'mo na'ima'.
37 #
2Raj. 17:17
Aha nongkolobanakonmo to ana-anak nu aha
hi to pilo-pilogot nu aha Kana'an.
38 #
Bil. 35:33
Aha nombubusakonmo baso' nu mian anu madi' kosala'nyo,
baso' nu posi to ana-anak nu aha,
da okolobanakon hi to pilo-pilogot;
sahingga lipu' nu aha aijo', i ngedeanmo nu aha.
39Kalana hahan anu binaumo nu aha aijo' sahingga aha suele naidekmo,
ka' madi'mo nontuluti Tumpu.
40 #
Hak. 2:14-18
Lantas i noakmo na tambuha' nu Tumpu hi aha,
binuaganmo na Ia kalana miannyo haha aijo'.
41Sahingga binee'nyomo na aha hi to bansa-bansa
pinojohoknyomo na aha sahingga kinuasanmo nu sampobali' nu aha.
42Lantas aha saja'mo sinakisa nu anu monsampobali' aha,
ka' tinundu'mo i kakuasa'an nu aha.
43Saja'mo hondo Tumpu nompobebas aha,
panyo aha lebe mongka'ima'i saja' motomuhuk;
sahingga aha sinilakamo kalana dosa' nu aha iwi-iwi'.
44Panyo ihongomo mae nu Tumpu na aha nolobo',
ia nonginau'mo kasusa'an nu aha.
45Kalana nonginau' aha, ia tinonginau'mo i palajanjian-Nyo
ka' nongkalibosimo aha kalana daka' hondo na kalibosan-Nyo.
46Binalakatan-Nyomo na aha da kinalibosanmo
nu mian iwi-iwi' anu nomboamo aha i lipu' nu aha.
47 #
1Taw. 16:35-36
Posalamatakon mae na kami, O, Tumpu mami,
po'ule' mae posihuk na kami anu noga'a-ga'atmo hi to bansa-bansa sangga'at,
da kami montalima kasemo
ka' mompuji'mo sanggo nu Belento anu susi' hondo.
48O puji' na Tumpu, Tumpu nu aha Israel,
uuka aiya sampe toka sidu-sidutu'.
Da' iwi-iwi' na mian montaloakon, “Amin!”
O puji' na Tumpu!
Currently Selected:
MAZMUR 106: LAILOE
Highlight
Copy
Compare
Share
Want to have your highlights saved across all your devices? Sign up or sign in
