AMSAL 19
19
1Lebe ma'ima' mian kasiasi anu madi' tageo na kantumuu'annyo
ka' de mule' ola mian ponga' anu mongka'ima'i baleko'.
2Anu makeke de madi' ko ilimu', madi' ma'ima';
mian anu ko sia-sia saidi mae monsaduakon kasala'an.
3Manusia mompolugi' posi butongnyo nu kaponga'annyo
lapas mae mompisala'imo Tumpu i han anu jinadimo aijo'.
4Mian anu kaya, sangalunyo saja' mintuang;
mian anu kasiasi na ola mule' ahi' nupala'i nu sangalunyo.
5Mian anu baleko' kiijo' i pomputusian palakala,
madi' ko madi'nyo tionyo ahi' o hukumo.
6Toto samian bala'usaha mongala kinyonyoa nu mian anu balakuasa,
iwi-iwi' na mian mongka'oho' mobela' tiba mian anu saja' mombee'i bantuan nudoi.
7Mian anu kasiasi nu tee nu utusnyo,
apaa mule' sangalunyo.
Maumo pa' mosia na ia bala usaha
ia madi' moko ala monggoda aha.
8Ihe na mompagala molio ilimuu', mongkalibosi butongnyo;
ka' ihe na saja' monginau' apaa na anu ginulu'annyomo saidi mae mohumpak kabilahian i uno nu kantumuu'annyo.
9Mian anu baleko' kiijo' i pomputusian palakala
ia tionyo o hukum ka' opateimo.
10Pa' madi' pantas na mian ponga' tumuu', molabi
ka' mule' madi' pantas na posaihon mompalentah anu balakuasa.
11Mian anu pande timbali moko ala montahan tambuha'nyo,
ia talapuji' kalana madi' mompajuli kasala'an nu mian anu mombaumo kasala'an hia.
12Tambuha' nu tomundo sumomo polohu' nu singa;
kanonongan nu tomundo sumomo dondu'ok mohumpisi sinin na anu tumuu'.
13Anak anu ponga' timbali monsilakai tuumanyo,
Bengkele' anu saja' bapisala' sumomo uee anu jumuju toto sangjoliji panyo madi kokabelentiannyo.
14Laigan ka' halata' timbali ohumpak hi tu'anyonyo,
panyo bengkele' anu pande aijo' balakat anu lengkat mae hi Tumpu.
15Ola saja' moluluk monsaduakon da mian hoyot bobogon,
ka' ahennyo mae anu moluluk mo'ohopmo.
16Mian anu montuluti sinin na palentah nu Tumpu Allah saidi mae salamat
mian anu madi' mohalaga'i aijo tionyo ahi silaka.
17Montulungi mian anu kasiasi pokakanamo sumo monsaboli Tumpu;
Tumpuje suele na mombalosakon.
18Atun ima-ima' na anak nu beleyum kalana daagi kotempo mongima-imani apa-apaa,
de madi', alati'nyo beleyum mongka'ima'imo da ia silakamo.
19Pojohokmo na mian anu sampa pusa
posi iaje na mongoa'i ka'ahenannyo.
De beleyum montulungi ia,
beleyum ola labe montuangi tambuha'nyo.
20De beleyum mongka'oho' balagulu'
saidi mae' ka' mohongo pokinde' beleyum timbali mo mian anu kokapandean bapikin.
21Manusia talalo hondo manjoo' na tanga'an,
panyo ola ahi' kaputusan nu Tumpu na jadi obau.
22Kalakuan anu otaha'imani hi toto samian aijo'mo anu tulu-tulutan,
lebe ma'ima' kasiasi ka' de ola mule' timbali mian baleko'.
23Oholomati na Tumpu, da kantumuu'an nu beleyum mohumpak kabilahian
beleyum timbali ma'osa ka' madi' ko balaa' montokai mae.
24Daagi' ko mian moluluk anu taha-tahahumo hondo;
mompopakan kaanon i nganga'nyo ia madi' mongka'oho'.
25De mian anu takabun o hukum, mian anu madi' ko ilimu' mohumpak pangajalan.
De mian anu manonong otewa' mompaka pintuang na kapandeannyo.
26Anak anu mongkabisa'i ka' molaa' tu'anyonyo,
atina'mo na anak anu mongambangi ka' madi' ma'ima'.
27Anaku, de beleyum madi'mo mongka'oho' daagi' balagulu'
nu kolilimimo nu beleyum apaa na anu ginulu'anmo nu beleyum.
28Mombee'i katalangan anu madi' totu'u alati'nyo madi' montee atulan,
monsilakai mian; ma'ima' na nu oa'i nu mian anu ma'idek na kinyonyoanyo.
29Mian ponga' anu takabun
tantu odoke.
Currently Selected:
AMSAL 19: LAILOE
Highlight
Copy
Compare
Share
Want to have your highlights saved across all your devices? Sign up or sign in
