Popular Bible Verses from AMSAL 19

Share

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

Mian anu pande timbali moko ala montahan tambuha'nyo, ia talapuji' kalana madi' mompajuli kasala'an nu mian anu mombaumo kasala'an hia.

De beleyum mongka'oho' balagulu' saidi mae' ka' mohongo pokinde' beleyum timbali mo mian anu kokapandean bapikin.

Oholomati na Tumpu, da kantumuu'an nu beleyum mohumpak kabilahian beleyum timbali ma'osa ka' madi' ko balaa' montokai mae.

Ihe na mompagala molio ilimuu', mongkalibosi butongnyo; ka' ihe na saja' monginau' apaa na anu ginulu'annyomo saidi mae mohumpak kabilahian i uno nu kantumuu'annyo.

Atun ima-ima' na anak nu beleyum kalana daagi kotempo mongima-imani apa-apaa, de madi', alati'nyo beleyum mongka'ima'imo da ia silakamo.

Mian anu baleko' kiijo' i pomputusian palakala ia tionyo o hukum ka' opateimo.