AYUB 9
9
Ayub
1-2 #
Ayb. 4:17
Panyo tinaaman i Ayub,
“Memang, ku sumbu' potatae nu beleyum aijo' madi' sala'.
Panyo, te toho' mule' manusia mahampalakala mongewa Tumpu Allah ka' mompokala Ia?
3Samadala na han anu opokilawa nu Tumpu Allah,
mau pe'e ola sa'angu' madi' nu poko ala nu taami nu manusia.
4Tumpu Allah aijo' talalo hondo pande na bapikin ka' balakuasa hondo,
ihe na moko ala mongahopi mongewa Ia?
5Tumpu Allah molalin bungkutnyo madi' nusumbu-sumbu' nu mian,
latnas nubali-balikakonmo kalana ia motambuha'mo ka' talalomo hondo pusa.
6Tumpu Allah mompotimbali lulu' sahingga dunia mokohenggo,
ka' ohi' anu montungkon dunia gayu'anmo.
7Tumpu Allah timbali montewa' batu nu sinaa bete' daagi' subu,
ka' madi' mompobee' to manda-mandala' majingka pihi.
8Binokanyo nalanga aita' madi' ko anu nontulungi;
pinahampeja'akon-Nyo na hiku nu molokoimbu.
9 #
Ayb. 38:31, Am. 5:8 Pinaha tompu-tompukakon-Nyomo na mandala' sasu salatan aita' i langit,
ka' mule' mandala' anu susumo Duangan, mandala' anu osa-osanggohi mian Totolu' ka' mandala' anu osa-osanggohi mian da'isan.
10Madi' opoko ala osumbu'to na kalaja-Nyo iwi-iwi',
madi' opoko ala olekengto na anu okabangangi bibinau-Nyomo.
11Ia notulu i ahopku, panyo madi' tinoangku;
Ia notulu i sohipi'ku, panyo madi nanasa hi belengku.
12De ia na mongagoi, ihe na baani montewa' Ia,
kabai baani mompokilawa hi Ia, “E, apaa na Nu bau?”
13Tumpu Allah madi' mongintim pusanyo ka' ka'idekan nu kinyonyoanyo;
anu lewa' montulungi i Rahab tinumpu nu ambai suele mohongo-hongo palentahnyo.
14Jadi, mosiamo ahi'na aku monggagakon Ia?
Pa' potataemo apaa na bau pontaamingku Ia?
15Maumo ahi' aku madi' kosala'nyo, aku madi' moko ala mombau apa-apaa,
ola ahi' mongkakaase da okalibosi nu Tumpu Allah anu momputusi aku?
16De bisuannyo Nu taamimo salatan aku motatae,
aku bata-bata, pa' totu'u ahi' Ia sanang na mohongo potataengku?
17Pinohintutunyomo na aku i uno nu antong anu makansang hondo,
ka' nompaka tuangi kasansala'anku maumo madi' ko sababnyo.
18Madi'mo pinobee'-Nyo na aku ningkinyonyoa maumo ola sangkinihap,
ka' mule' pinaka tuangan-Nyomo na aku nu kasansala'an anu talalomo hondo.
19Pa' ku ewamo o da mahanjagunmo tiba Ia?
Panyo soba toa, talalo ahi' Ia mahoson!
De bisuannyo Ia ku tuntut na kasala'an-Nyo,
ihe na baani molaga Ia da mamba hi mian kopian?
20Aku tulu-tulutan hondo ka' madi' nombau dosa',
panyo nganga'ku notataemo madi' ahi' sumo aijo';
batu-batu potatae anu nu anga'akonmo nu biwingku aijo
sumomo mompisala'i butongku.
21-22Aku madi' sala' panyo madi' ku pajuli.
Aku na'osamo na tinumuu'. Hi belengku madi'mo ko anu penting,
anu kosala'nyo ka' anu madi' kosala'nyo pokakanamo na uki'nyo:
Nupatei nu Tumpu ohu-ohua' aijo'.
23De mian anu madi' kosala'nyo saintotolo silakamo,
Tumpu Allah ola kumojo.
24Dunia aiya binee'mo nu Tumpu Allah hi mian anu palaganta,
ka' to mia-mian kopian pinopahanyomo iwi-iwi'.
Aijo' iwi-iwi' Tumpu Allah na nombau,
de misa' Ia, yo ihemo?
25Kantumuu'anku sansina-sinaa tomboliu malia' hondo,
ka' madi'mo tinoa-toa, madi' daagi' nongoa'i kasanangan.
26Susumo duangan anu malolo' hondo, kantumuu'anku ola saimpotulu,
sumo kolia' nu bonyia' ningkanabu'mo nokaiyong monsabutmo anu nu kaan.
27-28De aku tolomoingmo ka' kumojomo lame-lame',
de ku soba da okolilimimo na kasansalanku,
saba' kasusa'an nu kinyonyoangku po'ule' mule' ahi' mololoi' mae aku;
kalana ku sumbu', Tumpu Allah tataap momposala' aku.
29Jadi, de sinumo aijo'mo, daagi' ku posia?
30Madi' ko sabung anu moko ala mompobelesi' dosa'ku!
31Tinanomakonmo nu Tumpu Allah na aku i hensek anu madi' belesi',
sahingga baju'ku suele nontaloakonmo tukoonyo aku nahenyumo.
32De bisuannyo Tumpu Allah aijo' manusia,
ku taamimo na Ia;
lantas kami mangadapmo hi mian kopian
da o'ulusmo ka' madi'mo lewa' painggaga.
33Panyo hi kami ua'aha aiya madi' ko mian kopian
anu timbali mongulus ua kami aiya.
34O'amalakon da Tumpu Allah madi'mo mohukum aku
ka' mompimpaliakonmo mae tambuha'nyo anu taha-tahahumo aiya hi belengku!
35Aku madi' mongkabuhuk Ia, ka' mule' apaa na anu ku taeakon uuka aiya,
kalana ku sumbu' na kinyonyoangku.
Currently Selected:
AYUB 9: LAILOE
Highlight
Copy
Compare
Share
Want to have your highlights saved across all your devices? Sign up or sign in
