AYUB 10
10
1Na'osamo na aku ka' monguahimo na ku oa'i montutugi kantumuu'anku,
sahingga ku taloakonmo iwi-iwi' na kasansala'an nu kinyonyoangku.
2O Tumpu Allah, bolimo nupisala'i mae Nu belento na aku;
potalangakonmo mae kadaka' aku Nu ewamo mae nu Belento.
3Apaa na ka'untunganyo de belento monsansalamo mae sumo aiya,
ka' mongalinmo anu binaumo nu belento?
Apaa na ka'untungannyo de belento montinjohi pikilan
ka' tanga'an nu to mia-mian anu ma'idek na kinyonyoanyo?
4Pikilan nu Belento madi' pokakana tiba pikilan nu manusia
5ka' umun nu Belento madi' sumo ko kodo' nu umunnyo.
6Desumo aijo', kadaka' pagalamo nu selidiki nu Belento na dosa'ku iwi-iwi'?
kadaka' sabole-bolemo nulio nu Belento na kasala'anku?
7Sabenannyo nusumbu' nu Belento
na aku aiya madi' ahi kosala'nyo memang totu-totu'u ahi' madi' sala'.
Nusumbu' nu Belento saba' mau pe'e samian madi' moko ala
momposalamat aku anu atina' i kakuasa'an nu lima nu Belento.
8Aku aiya limamo nu Belento atina' na nontali'i
mosia ka' uuka aiya kahanda'mo nupatei nu Belento na aku?
9Boli okolilimi saba' aku aiya tano' na binau nu Belento!
Te toho' mule' aku aiya po'ule'mo nupotimbali nu Belento abu'?
10Pinobee'mo nu Belento na tuumangku nompotimbalimo aku
ka' pinodaka'mo nu Belento na aku i uno nu kompong nu tinangku.
11Butongku aiya te buku ka' uat na tinali' nu Belento;
buku nu butongku pinokonanmo nu Belento antoknyo da bau pombodinyo.
12Pinotumuu'mo nu Belento na aku; aku kinalibosanmo nu Belento,
santuu'ku jinaganmo nu Belento ka' pinalakanmo nu Belento.
13Panyo uuka aiya sinumbu'kumo, taalu' tempo'nyo aitu,
hoko-hokot lewa'mo i niat nu Belento na kasilakanku.
14Nu jagai na aku dumo mamanga mombaumo kasala'an,
da madi' nu bee'nu Belento na ka'ampunan.
15De aku mombaumo dosa'
memang sisiku silakamo!
Panyo de anu ku bau misa' anu oka'ideki,
sabole-bole ahi' aku saja' otuuk nombaumo dosa'!
Madi' baani na aku monlangakakon ubaku,
kalana talalomo hondo mongoa'i susa' na kinyonyoangku ka' talalomo hondo na'ambang.
16De ku humpak na anu ku usahakon maumo madi' sangkuka na konjoo'nyo,
Belento sumomo ahi' singa na mololoi' mae aku.
Ka' po'ule' mule' nu potoa mae na kakuasa'an nu belento,
ola da mompopobuhuk aku.
17Saja' nupotoka mae nu Belento na sakisi anu monggagakon aku;
ka' mompaka pintuangmo na Belento pusa hi belengku.
Nu pokau mae nu belento na to sulu-suludadu anu sangga'at mule'
da montumbuhimo mae ka' mompahampateakonmo mae aku.
18kadaka' pinobee'mo nu belento na aku pinohampe i dunia aiya?
Sahanyo aku sinilakamo salatan i hampemo da madi'mo tinoa nu mian!
19Sahingga sumomo aku madi' pinohampe,
kalana lengkat mae i kompong balomo lajang i lamun.
20Ha, madi'mo pin aku silakamo,
jadi pobakasmo na aku, sausa'
da ku oa'imo
nu tuha' nu kantumuu'anku aiya.
21Madi'mo pin aku mambamo ka' madi'mo minsusule' mae,
mambamo i lipu' anu pikat hondo, ka' talalo hondo liing.
22Lipu' anu pikat hondo, ka' saja' mongkohiabakon hahan anu mombau kahengge'an,
tampat anu madi' opoko ala obedakon na jingka tiba pintung.”
Currently Selected:
AYUB 10: LAILOE
Highlight
Copy
Compare
Share
Want to have your highlights saved across all your devices? Sign up or sign in
