AYUB 23
23
Ayub
1-2Panyo tinaamanmo i Ayub,
“Aku notambuha'mo ka' notusa'mo hi Tumpu Allah;
madi'mo ku poko intim apaa na anu ku oa'i susa' aiya.
3Ah, paya', de bisuannyo ku sumbu' na kajojoongan-Nyo,
da aku mamba singkabot tiba Ia.
4Da hi Iamo na ponsisikanku apa-apaa na anu jinadimo i butong ku aiya,
ku lubatakonmo aiya i nganga'ku na potatae anu bau kahondoanku.
5Aku kahanda' monsumbu' pa'apaa na anu Nu poto'i mae,
ka' pa' mosia na ia montaami mae.
6pa' ia memang mompotoamo mae ahi' kakuasa'annyo hi belengku?
Madi' mule'! Ia tantu mohongo mae ahi' potataengku?
7Aku madi' ko kasala'an jadi timbali ahi' mompototu'u butongku i ahop-Nyo,
jadi aku nu poto'imo mae madi'mo mohumpak hukuman sampe toka sidu-sidutu'.
8-9Iliongkumo na Tumpu Allah pa' kiijo' mae i kinsoban, pa' kiijo' mae i kabete'an, pa' kiijo' mae i Selatan, pa' kiijo' mae i Utara,
panyo iyaya mae madi' ko Tumpu Allah;
ka' madi' kinabotku na Ia.
10Panyo Nusumbu' na kalakuanku
ka' mule' apaa na anu ku bau.
De lapangnyo susumo mosoni' aku o'uji',
tantu osumbu'mo na kinyonyoangku, totu-totu'u molino.
11Aku tulu-tulutanmo hi Ia ka' mohongo-hongomo;
madi'mo toho' aku mosele mompala'i jalan anu pinotiju'Nyomo.
12iwi-iwi' na palentah nu Tumpu Allah saja'mo ku tuluti,
pongka'oho'Nyo, ku batukimo, ka'misa'mo anu ku ka'ima'i na ku bau.
13Tumpu Allah aijo' madi' mongabali';
madi' ko anu moko ala mongewa Ia.
Ia moko ala mombau apaa na anu Nu ka'ima'imo, ka' nu tuka'mo.
14Apaa na anu tinanga'an-Nyomo obau hi belengku, nu baumo,
ka' daagi' manjoo'na anu tinanga'an-Nyomo misa' ola aijo'.
15Kalana mongkabuhuk Ia, aku i lakatnyomo;
de talalomo aku mompotutugakon iwi-iwi' aijo', mompaka pabuhukmo na aku.
16-17Anu Daka' hondo na kuasanyo nohungku'imo iwi-iwi' na kabaanianku,
Aku nabuhukmo kalana Tumpu Allah,
misa' kalana pikat taha-tahahumo,
maumo pintung aijo' nontikubimo aku,
ka' nongkukubimo ohupku.
Currently Selected:
AYUB 23: LAILOE
Highlight
Copy
Compare
Share
Want to have your highlights saved across all your devices? Sign up or sign in
