AYUB 18
18
Bildad
1-2Sahingga tinaamanmo i Bildad,
“O Ayub, hipianje na beleyum madi'mo motatae?
Pomohokotmo, ka' potombihingmo na kami aiya kahanda'mo motatae.
3Kadaka' nu sangka na kami aiya ponga',
ka' opokakanakonmo nu beleyum na kami aiya susumo sapi'?
4Beleyum motambuha ola da monsakiti butong nu beleyum.
Kalana kapentingan nu beleyum sahingga dunia madi'mo
ko miannyo, ka' bungkutnyo iwi-iwi' olalinmo?
5 #
Ayb. 21:17
Sulu' nu mian anu ma'idek na kinyonyoanyo madi' ka' madi' tionyo ahi' opoho'mo;
apunyo madi'mo daagi' toho' otutungi.
6Jingka i uno nu kemahnyo pintungmo;
sulu' anu monjingkai madi'mo daagi' ko majingka.
7Lajangnyo anu ma'ima' hondo timbalimo maha sungonan na lumajang;
apa-apaa na anu nu tanga'i monsaduakonmo ia tosumpun.
8Ia i lumajangmo nokiijo' i so'o sahingga kinonanyomo na tengkenyo.
9Pantigannyo kinonamo nu talong sahingga ia i hakopmo.
10Pinosuluk, i tano' na kahohon nu talong;
i jalan, pinokonamo na bau pompagala, ka' pohakop.
11Mian anu ma'idek na kinyonyoanyo pinotolokengkengmo nu anu okabuhuk hondo anu nolengkat mae iyaya;
anu okabuhuk me saja' mombatuki ia maumo moyamo na molangkasakon tengke.
12U'utu mae ia mahoson, uuka aiya ia nagesukmo;
balaa' anu nonsakisamo ia saja'mo nombaya'i ia maumo pa' moyaya.
13Kilitnyo kinekedanmo nu panyakit anu talalomo tinadok,
lima ka' tengkenyo nabusikmo kahomo nana'.
14Ia ihahimbitakonmu lengkat mae aijo' i kemahnyo, tampat anu nu oa'i sanang ka' madi' ko anu mompoposia,
lantas binoamo da mongahopimo kapatean.
15Uuka aiya maumo pa' ihe timbalimo monjojoongi kemahnyo,
ka' i kiijo' kinakambuhakonmo na belelang, da bau pompatei somoyu nu panyakitnyo.
16Iwi-iwi' na bakatnyo nanggasmo ka' nakadampihi'mo;
iwi-iwi' na panga'nyo toto ise-ise' nanggasmo ka' nakapimo.
17Ia madi'mo sinumbu-sumbu' i unonyo kabai i sambiha' nu kota';
mau pe' samian madi'mo ko anu nonsumbu-sumbu' sanggonyo.
18Ia i uno nu jingka i laa'mo namba i uno nu pintung;
i uno nu dunia nu mian anu tumuu' ia pinateanmo.
19Ia madi'mo ko lee' ka' anak;
i kampung kinahampeannyo mau samian madi'mo kino tuha'nyo.
20Nohongo uki'nyo anu sinumo aijo'mo mian anu jojoong i sasu kinsoban tinolokengkengmo,
ka' mian anu jojoong i sasu kabete'an i lakatnyomo kalana nabuhukmo.
21Sumo aijo'mo na uki'nyo nu mian anu palaganta,
aha anu madi' mompajuli Tumpu Allah.”
Currently Selected:
AYUB 18: LAILOE
Highlight
Copy
Compare
Share
Want to have your highlights saved across all your devices? Sign up or sign in
