YESAYA 54
54
Kalibosan nu Tumpu hi Israel
1 #
Gal. 4:27
O, Yeruslaem, u'utu mae beleyum sumo boune anu lengke'
anu madi' moko ala monganak.
Panyo uuka aiya balame-lame'mo,
ka' bila-libahimo na manyanyi!
Kalana to ana-anak nu beleyum manjoo' hondo,
molingkudui anak nu boune anu madi' nupala'i nu langkai'nyo.
2Po'ewamo na kema kajojoongan nu beleyum;
pomantan na ponsegotinyo ka' pohoson na pontotolinyo!
3Beleyum mompaka ewamo kowi ka' koanan,
belemiu monjojoongimo tano' nu to bansa-bansa
ka' monjoongimo kota' haha aijo' anu uuka aiya i liingmo hondo.
4Boli mabuhuk, beleyum madi opopo'ambang;
madi'mo o, alu ka' lewa' mahasasungonan.
O kolilimimo nu beleyum na beleyum madi' namomong tempo'nyo daagi' olitau;
madi'mo daagi' monginau' na beleyum iliing tempo'nyo beleyum binalumo.
5Anu nompotimbalimo beleyum sumomo ahi' langkai' nu beleyum,
Tumpu Israel anu susi' aijo'mo na anu Momposalamat beleyum.
Tumpu Anu Daka' na Kuasanyo, atina'mo na sanggo-Nyo,
Iamo na Tumpu anu mongkuasai songko-songko na dunia.
6O Israel, beleyum sumomo bengkele' nu mian anu daagi' langkoyang
anu nolibosmo kalana pinala'ianmo nu langkai'nyo.
Panyo Tumpu po'ule'mo nolaga beleyum
ka' notatae,
7“Ola sasaingoni' na aku mompala'i beleyum;
po'ule Ku ala na beleyum kalana okalibosi hondo.
8Ola sasaingoni' na Aku madi'mo montonto'i beleyum,
kalana tambuha'-Ku talalomo ahi.
Panyo kalibosan-Ku anu madi' ko kamingkotannyo na mongkalibosi beleyum.”
Sumo aijo' na koonyo nu Tumpu anu Momposalamat beleyum.
9 #
Kej. 9:8-17
“Susumo tempo'nyo i Nuh Aku binalajanji'mo
saba' uee anu talalomo hondo nosawe' madi'mo daagi' po ule' moleetabi dunia,
sumo aijo'mo suele na Aku balajanji'
saba' Aku madi'mo daagi' ma'idek kabai kahanda' mompatei mule' belemiu.
10Maumo to ahi' bungku-bungkutnyo ka' puge'nyo iwi-iwi' gayu'anmo,
Aku madi' belenti na mongkalibosi beleyum.
Paladamean anu jinanji'-Kumo saja' Ku toongi,”
na koonyo nu Tumpu anu mongkalibosi beleyum.
Yerusalem anu poule'mo binau
11 #
Why. 21:18-21
Tumpu notatae,
“O Yerusalem, kota' anu sinusa'mo,
beleyum madi'mo moko ala mombau apa-apaa ka' madi'mo ko anu momposanang kinyonyoa.
Pundasinyo haha aijo' po'ule'mo Ku bau akon,
tiba to batu-batu anu halaga'nyo mahan.
12Bentengnyo haha aijo' batu dalimaje na Kubau
to saba-sabatan anu toto daka-daka' batu mainanje na kubau
to paga-pagan mesen nu beleyum intanje na obau.
13 #
Yoh. 6:45
Iwi-iwi' na mian anu jojoong hi beleyum timbalimo to muli-mulid-Ku,
aha sanangmo ka' bilahimo na kantumuu'an nu aha.
14Beleyum binaumo i uno nu kaadilan,
madi'mo daagi' ko anu okabuhuk ka' kasansala'an.
15De beleyum otumbuhi mae misa' Aku na nonsai,
maumo pa' ihe na molambani mae beleyum tionyo ahi' motua'mo.
16Akumo na nompotimbali topo tutuk besak
anu nombusaimo apu da montutuk toongon bau pimuhuk.
Akumo suele na nompotimbalimo suludadu
anu mompake toongon aijo' da pompateimo.
17Panyo toto sa'angu' na toongon anu tinutukmo mongewa beleyum,
madi' kino hasinnyo.
Ka' toto sa'angu' na tuduhan i uno nu pomputusianmo palakala
nu pobukutimo taalu aijo' sala'.
Ku bee'ije palasen salaku tanda imenangmo
hi to posa-posaihon-Ku,”
sumo aijo' na koonyo nu Tumpu.
Currently Selected:
YESAYA 54: LAILOE
Highlight
Copy
Compare
Share
Want to have your highlights saved across all your devices? Sign up or sign in
