Popular Bible Verses from YESAYA 54

Share

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

Po'ewamo na kema kajojoongan nu beleyum; pomantan na ponsegotinyo ka' pohoson na pontotolinyo!

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

Ola sasaingoni' na Aku madi'mo montonto'i beleyum, kalana tambuha'-Ku talalomo ahi. Panyo kalibosan-Ku anu madi' ko kamingkotannyo na mongkalibosi beleyum.” Sumo aijo' na koonyo nu Tumpu anu Momposalamat beleyum.

“Ola sasaingoni' na aku mompala'i beleyum; po'ule Ku ala na beleyum kalana okalibosi hondo.

“Susumo tempo'nyo i Nuh Aku binalajanji'mo saba' uee anu talalomo hondo nosawe' madi'mo daagi' po ule' moleetabi dunia, sumo aijo'mo suele na Aku balajanji' saba' Aku madi'mo daagi' ma'idek kabai kahanda' mompatei mule' belemiu.

Bentengnyo haha aijo' batu dalimaje na Kubau to saba-sabatan anu toto daka-daka' batu mainanje na kubau to paga-pagan mesen nu beleyum intanje na obau.