YESAYA 53
53
1 #
Rm. 10:16, Yoh. 12:38 Tinaaman nu bansa aijo',
“Ihe ahi' na anu pinalesayamo ihan anu i hongomo mami?
Hi he na pinomponyata'anmo kuasa nu Tumpu?
2Tumpu mongkahanda'i da posaihon-Nyo aijo' susumo ahi' sulot mae nu kau'
anu tumuu' i tano' anu nategesmo.
Madi' ko anu ma'ima' na otoanto aijo' hi ia
madi' ko anu ma'ima' na anu timbali o kamiluinto.
3O, aluntomo ka' opatikojo'oni mo na ia,
mian anu saja' sansala ka' biasa mongoa' sakit.
Madi' ko samian pe'e na ka'oho' montoa ia,
ka' kita suele madi' mompalahatikan ia.
4 #
Mat. 8:17
Sabenannyo panyakitomo ahi' na anu tinanggungnyo,
kasansalanto mo ahi' na ingoa'annyo,
padahan kita monsangka
kasansalannyo aijo' hukuman nu Tumpu hi hia.
5 #
1Ptr. 2:24
Panyo ia binelaan kalana iwi-iwi na dosa'to,
ka' dinoke kalana palabuatanto ma'i-ma'idek.
Ia i hukum da kita oposalamat
kalana belanyo haha aijo', kita i na'alinmo.
6 #
1Ptr. 2:25
Kita iwi-iwi' tinalasmo susumo domba,
toto samian mosi lio-liomo jalannyo.
Pinotudunmo nu Tumpu hi ia
na palabuatanto iwi-iwi' anu ma'idek.
7 #
Why. 5:6
#Kis. 8:32-33 Talalo ahi' pinoko idek na nombau ia,
panyo tinanggung nyomo ahi' nu sabaan.
Ia madi' nombuka' nganga'nyo
susumo anak nu domba anu oboamo i pongkolotan
kabai tina nu domba anu okiismo na bulunyo.
8Ia tinahanmo ka' pinutusanmo na palakalanyo
lantas i hela'mo ka' i hukumo nu hukuman mate.
Madi'mo ko anu nompajuli nasibnyo;
ia i nate kalana dosa' nu bansanto.
9 #
1Ptr. 2:22
Ia i lamunmo hingga-hinggat tiba mian anu ma'idek na palabuatannyo;
pinolamunan ia itotonga' nu mian anu kaya,
maumo ahi' ia madi' toho' nombau anu ma'idek,
ka' madi' toho' nongakali.”
10Tumpu mongkahanda' da ia sansala,
ka' nombee'mo butongnyo susumo koloban pongalini dosa'.
Sahingga ia mantan na umun ka' montoa tulunannyo,
kalana ia sahingga kahanda' nu Tumpu timbalimo jadi.
11Kalana aitu Tumpu notataemo,
“Salatan lapas mo na mongoa'i kasansala'an,
ia bilahije ka' sanangmo na kinyonyoanyo.
Posaihon-Ku aijo', na momposanang kinyonyoang-Ku,
nontanggungmo hukuman nu aha mian da'isan;
kalana ia Aku mongampunimo aha.
12 #
Mrk. 15:28, Luk. 22:37 Halala na kinyonyoanyo mombee' butongnyo
ka' ninsoopmo i lekengan nu mian anu ma'idek na palabuatannyo.
Ia nontanggungmo dosa' nu mian da'isan
ka' binalado'amo da aha o ampuni.
Sahingga binee'an-Ku mo na ia aha manjoo' na mian da bau sala-Ku palasen,
ka' mohumpak bahagian hingga-hinggat tiba mian anu madi' ko kasala'annyo.”
Currently Selected:
YESAYA 53: LAILOE
Highlight
Copy
Compare
Share
Want to have your highlights saved across all your devices? Sign up or sign in
