ANU MOMPOLELE POTATAE NU TUMPU 12
12
1O inau' ahi' na anu Nompotimbalimo belemiu daagi pe'e olitau ka' daagi pe'e lalangkoyang,
anu ma'isa pe'e tinoka i taun-taun anu saja'mo sinansala.
Tempo'nyo aijo' belemiu notataemo,
“Kantumuu'aku madi' nohumpak kabilahian.”
2De tokamo na tempo'nyo aijo' mata nu belemiu madi'mo daagi manasa na montoa,
sahingga madi'mo majingka na sinaa, bitu'on tiba mandala'.
Kundom tinumatampokmo momboamo mae ujan;
tataap mohohungi belemiu sumomo anu mompopobuhuk.
3Botokon nu belemiu ilakatnyomo ka' madi'mo ko anu monjagai mae.
Tengke nu belemiu anu mamahoson aijo' tasala'mo ka' madi'mo mahoson.
Bese' nu belemiu madi'mo sampa' na bau ponyaing anu okaan.
Mata nu belemiu pinahamo sahingga madi'mo manasa na montoa.
4Kalame'an i jalan madi'mo manasa na ohongo.
Onyi' nu musik tiba onyi' nu ponggilinan madi'mo talalo kahongoan.
Belemiu madi'mo tohoyot hondo.
Mau ola onyi' nu tomonsi' monsaduakonmo madi' tohoyot na belemiu.
5Belemiu mabuhuk na mindako i bungkutnyo anu matangkas;
ka' lumajang obala ingati ahi'.
Ubak nu beleyum inguanonmo ka' tengke nu beleyum nu hela'mo salatan lumajangmo;
sahingga lipunmo na kahanda' tiba anu okamilui.
Kita mambamo i tampat kajojoonganto anu imihi-mihinyomo,
to mia-mian anu tinokanmo nu kapatean ka' lewa'mo montando'i tutuus jalan.
6Lante salaka mobotu'mo ka' mosi tade-tademo;
sulu' mosoni' manabu'mo ka' moposo'mo;
kahohon anu ponsegoti Pontauk uee mobotu'mo ka' ma'idekmo;
kuhon hansunmo ka' motatabumo.
7Butongto aiya minsusule'mo;
timbalimo abu i dunia aiya.
Napas te kantumuu'anto minsusule'mo hi Tumpu.
Ia na nombee' salaku pongkalibosi'Nyo.
8Aku notatae, memang iwi-iwi' aijo' madi' ko gunanyo,
iwi-iwi' ola palasuma madi' ko ala-alati'nyo.
Kasingkatan nu alati'nyo
9Anu saja' Bapikin aijo' ko ilimu' ka' mule' pande;
kalana aijo' ingajanakonnyomo hi aha mian iwi-iwi' na ilimu'nyo.
Manjoo' na ibalat ginulu'annyomo;
lantas inguji'nyomo na han aijo' pa' totu'u.
10Ia bala usaha da mohumpak potatae anu mongindeke',
ka' potatae anu tinulisnyomo memang madi' tageo'.
11Potatae nu mian anu ko ilimu' aijo' sumomo tokon anu matajom, anu nu toong nu samian na polaya' potuu'on,
tokon anu nu pake monjagai dombanyo.
Ibalat tiba pokinde' pinosa'angu';
sumomo paku' anu pinaku'akonmo hoso-hoson.
Iwi-iwi' aijo' suele anu binee'mo nu Tumpu;
polaya'to anu sa'a-sa'angu'nyomo aijo'.
12O anaku, sa'angu' na han tionyo ahi' nu bala'ingati.
Montulisi kitab madi' ko ka ahenannyo;
ka' de saja'mo balajan, malawemo na nyawa tiba butong aiya.
13Salatan iwi-iwi' pinotutugakonkumo;
aiyamo na kasingkatannyo nu anu ihumpaku.
Kabuhuk na Tumpu ka' otuluti na palentah-Nyo iwi-iwi'.
Kalana makisud aijo' sahingga manusia pinotimbali-Nyomo.
14Tumpu na saidi' mae momputusi iwi-iwi na palabuatanto,
anu ma'ima' tiba anu ma'idek,
ka' mule' anu sulu-suluk.
Currently Selected:
ANU MOMPOLELE POTATAE NU TUMPU 12: LAILOE
Highlight
Copy
Compare
Share
Want to have your highlights saved across all your devices? Sign up or sign in
