YIA̒APO 25
25
Bangusa lo Isirai̒lu to Hui̒dee Peor
1Tou̒ bangusa lo Isirai̒lu donggo bilu-biluloa̒ to Lumbaya lo Sitim, mongo lolai̒ limongolio helojina wolo mongobua lo Moab tawoluo mota teto. 2Mongobua boito helo heinga olimongolio ode popoo-tibungguwala lobake u mohulumati ila limongolio. Taulo Isirai̒lu olo lodudua̒ lolamela bake boito wau helolubo ila taulo Moab. 3Sababu taulo Isirai̒lu helolubo Baa̒al to Peor, yi Eeya lomuluka olimongolio wau lotahuda mai odelei Musa, 4“Wau̒pa mao̒ ngoa̒amila taa u lotitau̒wa tobangusa lo Isirai̒lu boito wau pateyaalo mate-mateelo mao̒ timongolio totalu lo ulipu odelo moponao̒ mao̒ palentaa-U̒, alihu Wau̒ diilalo muluka tobangusa boito.” 5Lapatao̒ tei Musa loloi̒ya mao̒ ode mongo hakimu lo Isirai̒lu, “Timongoli ngota-ngota musi momate mateelo mao̒ ngoa̒amila tau todelomo sukumu tamalolubo Baaa̒l to Peor.”
6Tou̒ tei Musa wau ngoilanggubu umati donggo hili-hilimuta tohuhebu Kema lo Eeya, timongolio loo̒onto ngotaalio lo Isirai̒lu lodelo mai taabua ngota lo Midian tilumuwotao̒ ode delomo kemalio. 7Tou̒ tei Pinehas, walae̒e Eleajar, wombu li Iimamu Haruna loo̒onto sua̒li boito, yi tio tilimihulo wau lololaa mao̒ aambua boito. Tio malohama totobuo̒ tuwau 8tulusi yililapitalio talolai̒ wau taabua boito ode delomo kema. Taduulota boito tilobui̒o wolo totobuo̒ boito tulusi malo huheli lomola baala udonggo lilalilau to Isirai̒lu boito. 9Bo sambela uito tailate maito dulopulaa pato lihu lota.
10Lapatao̒ Eeya lotahuda mao̒ odelei Musa, 11“Tei Pinehas walae̒e Eleajar, wombu li Iimamu Haruna, lou̒ moo̒lohu helo poduulua ohulumati-U̒ tohuungo taulo Isirai̒lu, tilinggula omulukaa-U̒ yiloole wau Wau̒ diila lomata lopobinasa mai bangusa boito. 12Oditolio polelea mao̒ odelei Pinehas deu̒ Wau̒ mamohutu mai daantia tuwau wolio. 13Tio wau waliilio mola tantuwo-U̒ mai odelo iimamu u ohiheo-hiheolo mao̒, sababu tio wolo odito olohu malo poduulua ola-U̒, Allahu Taa̒alaalio, wau malo powoluo mao̒ polodame duo̒lo dusa taulo Isirai̒lu.”
14Taulo Isirai̒lu tapilatelio yila-yilateelo mao̒ pee̒-pee̒enta wolo taabua lo Midian boito iluntee Jimri, walae̒e Salu, tau̒wa lou̒ ngaalaa̒ tuwau lonto suku Simeon. 15Taabua boito iluntee Kojbi; tio walae̒e Jur, ngotaalio tau̒wa lokaumu to Midian.
16 Eeya longohi mai palenta botie odelei Musa, 17“Tuwalia mao̒ taulo Midian, wau pobinasawa mao̒ timongolio 18sababu ololeeto u mailanjana limongolio ode limongoli to Peor, wau sababu ti Kojbi walao̒ ngotaalio lotau̒wa to Midian. Ti Kojbi boito taabua tapilatelio yila-yilateelo mao̒ tou̒ lotoduo mai baala sababu u yilowali to Peor.”
Currently Selected:
YIA̒APO 25: LAIGOR
Highlight
Copy
Compare
Share
Want to have your highlights saved across all your devices? Sign up or sign in
