YIA̒APO 17
17
Tunggudu lei Haruna
1 Eeya lotahuda mai odelei Musa, 2“Ahuli mao̒ taulo Isirai̒lu mongohi mai olemu mupulaa duluo tunggudu, timii̒du suku tunggudu ngoputu, u musi wuduo mai tau̒wa losuku. Tuladee mao̒ tanggulo timii̒du tau̒wa boito to tunggudio, 3wau tanggulee Haruna to tunggudu suku Lewi. Ode timii̒du tau̒wa losuku musi otunggudu ngoputu. 4Delowaalo mota tutuu-ngguduwalo boito ode Kema-U̒, wau podutua mao̒ totalu lo Bulua Daantia, totambati biasaalio Wau̒ hemo dunggaya woli mongoli. 5Tunggudu lotaa u tilulaotu-U̒ mamo tumbingai. Wolo dudelo boito Wau̒ mamopo huheli mao̒ poloi̒laalo suusa lotau-tauwalo tamalo laalaaita hemobiihe toli mongoli.”
6Sua̒li boito pilo tunggulao̒ lei Musa ode bangusa lo Isirai̒lu. Lapatao̒ mongo iimamu limongolio malohudu mao̒ to olio tunggudu ngoputu ode timii̒du tau̒wa losuku. Ngoa̒amilalo woluo mopulaa dulo putu, wau tunggudu lei Haruna woluo to wolotalio. 7Lapatao̒ tei Musa lopotambati mao̒ tutuu-ngguduwalo boito todelomo Kema lo Eeya totalu lo Bulua Daantia.
8Loloombulio mola, tou̒ tei Musa tilumuwotao̒ ode delomo Kema lo Eeya, tio loo̒onto tunggudu lei Haruna, deu̒yito-yito tunggudu suku Lewi, malo tumbingai. Tunggudu boito otoyungo, obunga wau longohi mai haasili hungo lo tolite u malo loheto! 9Tei Musa lohama mao̒ ngoa̒amila tunggudu boito tulusi lopo biloheo̒ ode taulo Isirai̒lu. Timongolio loo̒onto mao̒ wolo u malo toduo mai, tulusi timii̒du tau̒wa luli lohama mao̒ tunggudio. 10Lapatao̒ Eeya lotahuda mai odelei Musa, “Muli podutua mao̒ tunggudee Haruna totalu lo Bulua Daantia. Tunggudu boito musi tahuwola odelo poe̒ela ode taulo Isirai̒lu tamotohilaa momalakala boito deu̒ timongolio maamate wonu timongolio diila mohuheli mobiihu.” 11Tei Musa helohutu mao̒ wolo upilo malentai lo Eeya.
12Lapatao̒ taulo Isirai̒lu loloi̒ya odelei Musa, “Wonu odito, matopotala ami! Ami mabinaasa! 13Wonu taa u mohimbideo̒ Kema lo Eeya boito musi mate, yi ami madidu ohalapani!”
Currently Selected:
YIA̒APO 17: LAIGOR
Highlight
Copy
Compare
Share
Want to have your highlights saved across all your devices? Sign up or sign in
