IMAAMATI 6
6
1 Eeya longohi mao̒ odelei Musa wuwuu-uduwaalo botie. 2-3Tahingota-ngotaawa musi mopodewo mao̒ bake wonu tio odusa to Eeya, sababu diila mohuto mopo walingao̒ balangi upilo hangato to olio lo timongotaalio, meaalo mohimbulo totau, motao̒ balangilio, meaalo maloo̒ dungga balangi uilooli, bo lomaaheo̒ wolo tadia. 4-5Taa u ototala boito musi muli momayali mao̒ ngoa̒amila u lotapulio mai lou̒ diila halale. Tou̒ tio ilodungga ilototala, yi tio musi momayali mao̒ polupolu ode taa ohuu̒wolio, duhengaalo dulo pulu porseni. 6Duo̒lo bake poluloo̒ uiluhi, tau boito musi mopodewo mao̒ himba tuwau meaalo batade ulai̒ udiila otailolio wau wohiyalo halaga moduduo̒ halaga upohu-pohutu to Kema lo Eeya. 7Ti iimamu mopobake mao̒ duo̒lo dusa lotau boito, yi tio maa ambunguo lo Eeya.
Bake yilalango
8 Eeya lopoa̒hu olei Musa 9mongohi mao̒ olei Haruna wau mongo walai̒o wuwuu-uduwaalo botie pasali lobake u yilalango ngoa̒amilalo. Ti iimamu musi mopodutu bake yilalango boito toitaato mesba wau mopoluli mao̒ teto oo̒onuwa, wau tululio musi lei̒-lei̒ita tulusi. 10Lapatao̒ bake boito mowali wahu, ti iimamu tapake-pake talaala limbu-limbuo̒ wau jumba monto kaingi lineni, musi momintao̒ wahu otabo boito monto yitaato mesba wau mopodutu mao̒ totili lomesba. 11Lapatao̒ uito tio musi moluloo̒ pakeyangi wau modelo wahu boito ode bulemengo Kema, ode tambati u pilohetu woleeto. 12-13Timii̒du dumodupo ti iimamu musi mopodutu mao̒ ayu podiio̒ toitaato mesba, mongaatulu bake yilaalango boito toitaatio, wau molalangao̒ tabo lobake polodame. Tulu toitaato mesba musi lei̒-lei̒ita tulusi wau diila mowali luliyalo mate.
Bake pohinta
14Uti-utieelo wuwuu-uduwaalo pasali lobake pohinta ode Eeya. Bake boito musi deloolo ode talu lomesba longotaalio wali lei Haruna. 15Tio musi mohama mao̒ ngaau̒po labu moa̒aluti wolo winulo wau ngoa̒amila alamaalio, lapatao̒ momobu toitaato mesba odelo tuoto deu̒ ngoa̒amila bake boito mapilodewo ode Eeya. Boolo bake boito moo̒sanangi hilaa lo Eeya. 16-17Labu ulebelio boito musi powaliyolo roti udiila oragi wau polamelo mongo iimamu totambati u pilopohetu, deu̒yito-yito to palepelo Kema lo Eeya. Ui-uitolo tayadu lomongo iimamu uilohi lo Eeya ode limongolio monto bake lou̒ aalo. Ua̒alo boito mantali daa̒, debo odelo bake pongambungualo dusa wau bake poluloo̒ uiluhi. 18U ohiheo-hiheolo mao̒ timii̒du mongo lolai̒ wali mola lei Haruna mowali molamela roti boito; ui-uitolo tayadi mongolio u debo monto ua̒alo u pilopodewo ode Eeya. Taa wewo tamo dedeetao̒ ua̒alo u mapilobake boito, matopotala sababu olootolo omantaliilio.
19 Eeya longohi olei Musa wuwuu-uduwaalo botie 20pasali lobake pomantaliyalo li iimamu ngota wali lei Haruna. Todulahee pomantaliyalo olio, tio musi mopodewo mao̒ ngokilo labu lopale ode Eeya. Ngotayadio musi podewolo tou̒ dumodupo wau labitio tou̒ lolaango. 21Labu boito musi ulauwola wolo winulo, lapatao̒ lalangolo toitaato pomanggangiyalo, lapatao̒ buta-butao̒lo wau podewolo odelo bake pohinta. Boolo bake boito moo̒sanangi hilaa lo Eeya. 22U ohiheo-hiheolo mao̒ timii̒du wali mola lei Haruna u pomantaliyolo mowali Iimamu Daa̒ musi mopodewo mao̒ bake boito. Ngoa̒amilalo musi lalangolo duo̒lo dewo ode Eeya. 23Timii̒du bake pohinta upodewo li iimamu musi lalangolo ngoa̒amilalo, penu boli ngoi̒di mao̒ diila mowali tamelolo.
Bake pongambungualo dusa
24 Eeya lopoa̒hu olei Musa 25mongohi mao̒ odelei Haruna wau mongo walai̒o wuwuu-uduwaalo botie pasali lobake pongambungualo dusa. Binatangi duo̒lo pongambungualo dusa musi olotolo totambati uhepo ngolotalo binatangi duo̒lo bake yilalango. Bake boito mantali daa̒. 26Ti iimamu tamo podewo bake boito musi molamelao̒ totambati utolo-tolomodu, deu̒yito-yito to palepelo Kema lo Eeya. 27Penu boli tatoonu meaalo penu boli wolo u tuhaata totapu lobibiahe boito matopotala sababu olootolo omantaliilio. Wonu boo̒ ngopata otuhaata lopolotio̒ duhu lo binatangi boito, boo̒ boito musi buboa̒alo totambati utolo-tolomodu. 28Ulongo huta upomake ode polaheyalo tapu lobake boito musi poo̒olo. Wonu upomake ulongo logamu, yi ulonga boito musi hihiitolo lapatao̒ pobelesiyola wolo taluhu. 29Timii̒du mongo lolai̒ todelomo ngaalaa̒ lomongo iimamu mowali molamela bake umantali daa̒ boito. 30Binatangi duo̒lo upacala pongambungualo dusa u hilama ngotayadu duhulio u deloolo ode Huwali Leidaa̒ Mantali, musi lalangolo tunggula maahu diila mowali tamelolo.
Currently Selected:
IMAAMATI 6: LAIGOR
Highlight
Copy
Compare
Share
Want to have your highlights saved across all your devices? Sign up or sign in
