Salmos 95
95
Dawan yakat alasna unbaudang
1Aiwanauh, alasna Dawan yakat unbaudang
unbaudanang, manakitdakyang dawak mailaihwi yakyang yakat.
2Witing muhni yakat mawarang tingkih lani karūk
dawak witing risnipik unbaunin balna unbaudanang.
3Kat Dawan laih nuhni bahang
king nuhni as dawan balna bitik Papangnina.
4Witing tingni yakat duwi
sau pasluihni kau tuhni kidika;
dawak asang maluihni balna kidika bik witing dini balna.
5Kuma kidika laih witing dini, kat witing yamna bahang;
¡sau buhni kidika witing tingnikau laihwi yamna!#Sal 24:1-2; 89:11-12.
6Aiwanauh, limbabahdi risnipik nuhni kaladanang;
Dawan muhni yakat limbabahdanang,
kat witing yaklauwi maiyamna bahang.
7Witing kuduh mayang Mapapangki,
dawak mayang laih witing tawanni mayang;
mayang laih witing sīpni mayang.
Kaldakanauh, witing warmani manayulwa kidika:
8“Ismangna dadasni yayamwinih,#Hib 3:15; 4:7.
Meriba kau dai kapat;
kauhmak wanilang kau Masah kau dai kapat bik awas,
9muihmana bararak balna traiki tatalnadai kidika,#Ex 17:1-7; Nm 20:2-13; Sal 106:32-33.
yang warkki balna tatalnadai karang bik.
10Kurih muihasluih bu kulnik daukalnayangdai,
kidika muihni balna karak,
dawak yulnayang: ‘Adika muihni balna ta didisna;
¡yang yulki dakakawas ki!’#Nm 14:20-23,33; Dt 1:34-36; Hib 4:3,5.
11Kidika bahang kulnik daukalna pasyakat rahm yamki atnayang
uiwi kakawas karang#Dt 12:9-10. yang yak-urupdayang pāni yakat.”#Hib 3:7-11.
Currently Selected:
Salmos 95: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
