Salmos 94
94
Dawan laih sau bitik wihnita
1¡Laih alahwah, Dawan, biriwi kalyamnin Papangniman kidika!
2Man laih sau bitik wihnitaman;
¡nuhni kaldakakawa balna niningna yakat lawah
dawak minitna diatah!
3¿Mampatkat Dawan,
mampatkat muih dudutni balna alasna duduwa kidika dadawarangyah?
4Muih dudutni balna bitik kidika
witingna laih tapaninadadasni dawak witingna manah kapat kaldakakawi;
¡witingna balna laih witingna manah kapat kaldakawi yulyang muihni balna!
5Dawan,
witingna yaklauwi man tawanma kidika ihiwi;
¡dawak man dima kidika sau yakat lalakwi!
6Tingmak balna dawak pa ūk muihni balna kidika laihwi ihiwi;
warau balna kidika laihwi ihiwi.
7Witingna yuyulwi, Dawan laih talwas ki,
Jacob Papangni laih amanglawaski.
8¡Amanglatanauh, di sip-awas balna dawak tapdadas balna!
¿Mampat amanglanin sip awanamayah?
9¿Dakanin sip-awas katpah,
dakanin yulni tapani yamwi kalana kidika?
¿Talwas karangkatpah
minikpa yamwi kalna kidika?
10¿Wah kalawas karangkatpah
nesān balna yakat barangni yakyang kidika yaklauwi?
¿Amanglawas karangkatpah
muih al yakat di amanglanin niningkayang kidika muihni?
11Dawan amanglawi muih al kidika
di dauh balna yakat manah kulwa kidika.#1 Kor 3:20.
12Dawan,
isninglakki angdika muihni yakat barangni kalyaktaman kidika
dawak bik sumaltaman kidika
13isninglak atnin yulni
ma dutni balna kiwi kawarang mani yakat,
dawak muih dutni kidika laih
pāni kurhwi redi yamwi.
14Dawan laih witing tawanni kidika rumhwi dawas karang ki
dawak witing dini balna kidika witingna manah didawas karang.
15La kat yamnin kidika laih ban barangni karang,
dawak muih ahal kulninna yamni balna kidika ban usnit uiwi uiwarang.
16¿Wais yaklauwi nakitdakwarangyah
muih dudutni balna kidika kaupak?
17Dawan kidika ilp yawasdai katlaih,
yang laih uman dauwi ap danin pāni yakat atnikdai.
18Yang ma as kat yulnayang: “Kalki balna kidika atakting karhwi”,
dawak, Dawan dalani lani dutaman kidika kaiwi ilp yāna.
19Kulwi kalbaunin pasyakat
yang kulnik yakat biri kalbabauwa kidika,
man lawa walaki ātaman dawak alasna yataman.
20Man laih sip wihta dudutni balna karak kalpaktasman,
la niningyakat dutni yayamwa balna kidika;
21muih al dutni yamwas dawak kulnin yamni muihni niningyakat aslah kalpakwi
īnin yayakwi.
22Kaunah Dawan kidika yakat yang maldinik pāni dutayang;
Papang kidika laih kipala as yang nakitdakwa kidika ki.
23Dawan yaklauwi yamwarang muih dudutni balna niningna yakat
witingna alas dutnina kidika yaklauwi dihiwarang.
¡Mayang Mapapangki yaklauwi dismukna karang!
Currently Selected:
Salmos 94: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
