Salmos 96
96
Unbaunin wisam as Dawan yakat
(1 Cr 16:23-33)
1Unbaunin wisam as unbautanauh Dawan yakat;
unbautanauh Dawan yakat, sau muihni balna;
2unbautanauh Dawan yakat, ayangni nuhni yamtanauh;
ma kaiwa balna yakat, witing laihwi yakwa balna kidika yultanauh.
3Witing alasnina yaksihni balna kidika yultanauh dawak di taldas dini balna yamwa kidika bik
tawan balna dawak nesān balna bitik muhnina yakat,
4kat Dawan laih nuhni bahang
dawak ayangni nuhni yamnin kidika laih witing dini palni ki:
¡tanit yamadangniki, dawan dauh balna bitik karak dawakat!
5Tawan uk balna Papangnina kidika laih dauhki,
kaunah Dawan laih makau kisang kidika witing yamna.
6¡Witing muhni tani yakat yaringni nuhni sakki!
¡Witing pāni holi yakat sakki parasni nuhni kidika dawak yaksihni kidika bik!
7Dawan yakat kalatanauh, tawan sulani balna,
Dawan yakat kalatanauh parasni nuhni kidika dawak alasnina yaksihni kidika bik;
8Dawan yakat kalatanauh witing risnipik kidika;
witing watakni yakat awanauh minitdis kalanin dini karuk,
9Dawan yakat risnipik nuhni kalatanauh witing pāni holi nuhni yamni yakat.#96.9 Talah 29:2 yakat.,#Sal 29:1-2.
¡Sau muihni balna bitik diyukwang witing muhni yakat!
10Nesān balna yakat diyultanauh: “¡Dawan laih king!”
Witing yaklauwi sau adika pāni kat pamni kalana itiknin awas yulni;
witing tawan balna pasyakat tunan kāwi bitikkau kapapat.
11¡Makau kisang balna dawak sau kidika laih alasna kalalahwang!
¡Kuma kidika parasni yulwang, paskau di balna bangkidika bitik!
12¡Sau minitkau kidika bitik alasna duwang, dawak di balna bangkidika bitik!
¡Asangpaskau pan balna bangkidika bitik alasna duwi sararahwang,
13Dawan muhni tani yakat, witing sangka kidika!
¡Agha, witing kaiwi sau akat tatuna kana atnin,
dawak sau akat tawan balna kidika yakat tunan kawarang
la kasak dawak rahm karak!
Currently Selected:
Salmos 96: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
