Salmos 91
91
Dawan kidika laih mayang mamaldinik pāni
1Nanitdaknin dinitkau sanni yakat yalahwa kidika
Papang makau sakkidika dawak bik parasni nuhni duwa kidika,
2Dawan yakat kalyulwi: “Man yakat kuduh yang maldinik pāni kidika,
yang ūki parasni, ¡yang Papangki, man yakat kulnik ātik dutayang kidika!”
3Witing manah sipki malaihwi yaknin
malaihnin dini malnikau āna kidika, dawak siknis dutni kidika kaupak bik,
4kat witing lawāni kau mamukna karang bahang
dawak kidika dinit yakat dutni as bik dis sak-āwama.#Dt 32:10-11; Sal 17:8; 61:4.
¡Witing barangni kidika kau namatdakna karang!
5Pukta paskau yamadangni balna kidika niningyakat yamaduwinih,
dawak madah yakat sibang rumhwa kidika yakat bik,
6dawak pukta yakat siknis balna kalahwa kidika yakat bik,
kaput bik madah palni yakat īwa kidika bik;
7kat wadahma niningyakat tausin dauwi bubukwarang,
dawak tingmapal nining yakat tausin salap dauwi bubukwarang,
kauna man yakat laih di as bik malaihwas karang.
8Man laih dauh manah talasak āwama:
muih dudutni balna minitna duduwak talma.
9Kat man laih Dawan yakat yakmaldinin pāni yamnaman bahang,
dawak makausakkidika yakat namatdaknin pāni dunaman bahang,
10man mamatyakat dutni as bik kaiwas karang
siknis bik ūma yakat kiwas karang;
11kat witing innisal balna sihwak
mainmatatalwarang angkat yawama yakat.#Mt 4:6; Lc 4:10.
12Witingna tingninakau malaihwi madulalauwarang
kipala yakat kalma baunam-awas yulni.#Mt 4:6; Lc 4:11.
13Sip-āwama layanh pasyakat lik-atnam
di anyang dudutni balna dawak bik bil pasyakat bik lik-atnam.#Lc 10:19.
14“Yang lawik laihtik yakki,
muih sip lalaihwas pāni yakat ilki,
kat witing laih dalani yatalwi dawak amangkilawa bahang.
15Mampat yayulwarangkat, yang lawik nangnitlaki;
¡yang witing karak āwaki!
Kulnin kaida kidika kaupak laihtik yakki
dawak risnipik nuhni kalaki;
16dawak sangnika naini kalaki:
¡dawak yang laihtik yaktayang kidika kalating alasna duwarang!”
Currently Selected:
Salmos 91: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
