Salmos 90
90
Papang laih ban kaput, dawak muih al laih lulungniki
Moses minityulna Papang alni.
1Dawan, man laih yangna yakmaldinikna mandai
muih bitik.
2Asang balna kidika kalwas tanitkauh
dawak sau adika kalwas tanitkauh,
sarā mani kaupak
dawak mani balna kidika bayakwak usnitkauh bik,
man laih Papangman.
3Yamtangkat muih al kidika watwi sau yahamni kalwi
man lawa yultangkat: “Muih balna sau yahamni kaltanauh” tingkat.
4Di rahm kidika laih, kurih tausin kidika man namangyakat,
sihm damai mani ma bayakwi kiwadai kapat ki.#2 Pi 3:8.
¡Sihm pukta awarni buas kapat ki!
5Muih ahal kidika lakta murtaman, parasni palni,
sihm amanakau kapat;#Is 40:6-8.
6kidika balna laih sihm dibasta kapat ki,
ukuswi kilwi dawak payahlawak puluwi,
kaput kauna ma bayakkiwi masan kat uman kusulana ki.
7Di rahm kidika laih, man kulnam daukalna kidika yaklauwi danh yanayamwi,
¡dawak sinskina dis yanayamtaman!
8Yang dutkina balna kidika laih
man muhma tani yakat yakna ki.
9Di rahm kidika laih, mayang masangkika bitik adika,
danhkalwi man kulnam daukalna kidika yulni;
mayang makurihki balna kidika laih, bayakwi kiwi mawingkita puhna aslah.
10Kurih muihasluih bās minitkau salap kidika sangka mayang;
pararasni balna kidika laih kurih muihasluih arungka bik lalaihwi;
kaunah kurihni naini sangka atnin kulwa kidika laih
duaina ki mai-usnin dawak wark manah.
¡Kurih balna kidika sirihni bayakkiwi, sihm mayang kapat!#Job 14:1; Ec 2:23; 11:8.
11¿Wais amanglawih, kulnam daukalna parasni kidika?
¿Kulnam daukalna parasni kidika wais talwih?
12Nikingnakatah, yangna makina balna kidika yamni kultik talnikna,
kaput laih sinskina balna kidika sins lani tuhni kidika duna atnin.
13¡Dawan, yangna akat nawatta aiwah!
¿Nayusni ampuslaih watmayah?
¡Man dimayamyang balna adika miniknakun talah!
14Ma payahlawak man dalani lani dutaman kidika dibangtah,
dawak kaput laih alasna unbautanaki yangna sangkinaka bitik yakat.
15Kurih mahni alasna yanatah
sihm kurih mahni kulnikna bukna kapat.
16¡Yamtangkat, man dimayamyang balna dawak sulanina balna
kidika sipkarang man di yamnaman alasna yaksihni balna kidika talna atnin!
17Mayang Mapapangki Dawan minikun talnin lani duwa kidika,
mayang mamikit yakat kawang.
¡Yangna warkkina kidika parasni yamtah Dawan!
¡Warkkina kidika parasni yamtah!
Currently Selected:
Salmos 90: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
